FLASH
Shkruar nga Pamfleti
Ish-deputeti i PD-së Luçiano Boçi, ka komentuar ngritjen e Komisioneve Hetimore. Ai theksoi se maxhoranca dëshiron dështimin e tyre pasi nuk ka vullnet për zbardhjen e çështjeve.
Sipas tij, hetimet do nxjerrin në pah ndërhyrjet që janë bërë në sistemin TIMS dhe PS kërkon që të zgjasë sa më shumë Komisionin. Madje sipas tij, Partia Socialiste iu ka bërë presion edhe ekspertëve.
“Nuk ka vullnet për zbardhjen e çështjes. Di të them se nuk vë re vullnet për t’i shkuar deri në fund punën e Komisioneve. Korrupsioni ulëret, aferat ulërasin, ndërhyrjet që janë bërë në TIMS patjetër që kërkojnë hetime të hollësishme. Kemi sistem të tërë të ngritur me mentalitet grabitës, që janë komanduar nga Rama dhe Veliaj. Por, SPAK nuk guxon t’ja përmendë emrin Ramës dhe Veliajt”, tha Boçi në “News 24”.
Më tej, Boçi foli edhe për mandatin e Olta Xhaçkës, që u diskutua në Këshillin e Mandateve. Për Boçin, mandati i Xhaçkës duhet të hiqet.
“Mandati i Xhaçkës duhet të hiqet. Ka një vit që ka një vendim për mandatin e saj. Çështja e mandatit të Xhaçkës po flitet 1 vit me vonesë. Debatet në Komisione bëhen me qëllim që të fitohet kohë. Duhet t’i hapet rruga ligjore mandatit të Xhaçkës. Xhaçka po mbrohet politikisht”, u shpreh Boçi.
Lini një Përgjigje