FLASH
Shkruar nga Pamfleti
Pas vizitës së të enjtes në Itali, axhenda e kryeministrit Edi Rama vijon me pjesëmarrjen në Spanjë në Samitin “Në Mbrojtje të Demokracisë”, që mbahet në Barcelonë, me ftesë të kryeministrit Pedro Sanchez.
Samiti zhvillon punimet mbi dy shtylla kryesore: institucionet dhe multilaterizmi, si dhe dezinformimi i lidhur me teknologjinë dixhitale.
Diskutimet përfshijnë ndërhyrjet në mjedisin dixhital për kufizimin e dezinformimit, forcimin e institucioneve demokratike dhe bashkëpunimit ndërkombëtar, si dhe trajtimin e pabarazive që ndikojnë në funksionimin e demokracisë.
Në kuadër të këtij takimi, Rama parashikon takime me Pedro Sanchez dhe Presidentin e Këshillit Evropian, António Costa.
Një ditë më parë, në Romë, ai zhvilloi takim me kryeministren Giorgia Meloni. Takimi u mbajt gjashtë muaj pas samitit ndërqeveritar Itali–Shqipëri, ku u nënshkruan 16 marrëveshje bashkëpunimi në fusha si mbrojtja, shëndetësia, siguria dhe infrastruktura.
Lini një Përgjigje