FLASH
Shkruar nga Pamfleti
Ish-kandidati i “Bashkë fitojmë” për bashkinë e Kuçovës Lefter Maliqi ka propozuar hetim pasuror për të gjithë politikanët dhe sekuestro të pasurive për ata që nuk i justifikojnë dot.
Në një postim në “Facebook”, Maliqi shprehet se nëse duam një shtet ligjor kjo nismë duhet të vihet sa më shpejtë në jetë, pasi sipas tij politika është e mbushur me hajdutët, të paaftët, servilët dhe të korruptuar.
“Hetim pasuror politikanëve dhe sekuestro nëse duam shtet ligjor. Kur flet për popullin, Ministra e Deputetë mbajnë veshët përpjetë! Kur i servilosesh Qeverisë duartrokasin! Mjerë populli për atë Parlament dhe ata Ministra! Vjedhje, abuzime, korrupsion, aktrime, mashtrime dhe votime kundër interesave të vendit. Dyfishuan rrogat e Deputetëve dhe Ministrave, se nuk ju dalin miliardat!! Pse nuk bëjnë Vetingun e politikanëve? Pse nuk bëjnë hetim pasuror të Deputetëve, ish-Deputetëve, Ministrave, ish-Ministrave, Drejtorëve, Kryeministrit, Presidentit, Kryetarëve të Bashkive dhe ish-Kryetarëve të Bashkive apo të ish-Komunave, duke filluar nga vet unë! Kam qenë dhe mbetem i hapur! Na mbytën hajdutët, të paaftët, servilët dhe të korruptuarit! Po nuk i ndëshkojë Drejtësia do i ndëshkojë haka e popullit dhe Zoti”, shkruan ai.
Lini një Përgjigje