FLASH
Shkruar nga Pamfleti
Duke sulmuar Elisa Spiropalin si “lugë të ndryshkur”, Edi Rama duket se pranoi vetë logjikën me të cilën ndërtoi pushtetin: disa nuk pranuan ta përdorin “lugën”, ndërsa të tjerët vazhdojnë të ushqehen me të në heshtje...
Gjatë tre muajve pas shkarkimit të Elisa Spiropalit nga detyra e ministres për Europën dhe Punët e Jashtme, kryeministri Edi Rama e ka sulmuar dhe kërcënuar disa herë për qëndrimet e saj kritike ndaj modelit të qeverisjes që ajo e konsideron autokratik, të dështuar dhe të korruptuar.
Në mbledhjen e Grupit Parlamentar të Partisë Socialiste, Edi Rama deklaroi se disa figura të partisë mbajnë qëndrime kritike e kundërshtuese ndaj tij, duke i cilësuar si “lugë të ndryshkura” dhe “shpirtra të humbur” të familjes së madhe socialiste.
Ai nuk përmendi emra.
Por kritikja më aktive dhe më e drejtpërdrejtë ndaj Edi Ramës brenda kupolës së PS-së vazhdon të jetë Elisa Spiropali, ish-ministre në dy mandate dhe ish-kryetare e Kuvendit, e cila kohët e fundit ka mbajtur qëndrime publike kundër mënyrës së ushtrimit të pushtetit, duke ia adresuar kritikat drejtpërdrejt kryeministrit dhe rrethit të tij të ngushtë.
Një javë pas reagimeve të para, Edi Rama e paralajmëroi hapur Elisa Spiropalin me përjashtim nga Grupi Parlamentar dhe, rrjedhimisht, nga Partia Socialiste.
Më pas e shkarkoi edhe nga detyra e drejtueses politike të Qarkut Tiranë, megjithëse ajo kishte siguruar rezultate të larta si në zgjedhjet vendore të vitit 2023, ashtu edhe në zgjedhjet parlamentare të vitit 2025.
Me cilësimin “lugë e ndryshkur”, Edi Rama duket se konfirmoi vetë filozofinë me të cilën, sipas kritikëve të tij, zgjedh dhe emëron ministrat, deputetët, kryebashkiakët dhe drejtuesit e institucioneve.
Pra, jo mbi bazën e meritokracisë, por si njerëz që futen në “tepsinë” e pushtetit me “lugën në brez”, sipas një marrëveshjeje të heshtur për t’i shërbyer liderit dhe për të përfituar nga pushteti.
Përveç sulmeve personale, Edi Rama ka vënë kundër Elisa Spiropalit ministra, ish-ministra, deputetë, patronazhistë, drejtorë, kryebashkiakë dhe drejtues të degëve të Partisë Socialiste.
Fakti që ai e quajti “lugë të ndryshkur”, sipas këtij interpretimi, nënkupton se Elisa Spiropali ose nuk e përdori dot “lugën” që iu dha si ministre, deputete dhe kryetare e Kuvendit, ose nuk pranoi ta përdorte.
Megjithatë, gjatë gjithë këtyre viteve ajo ishte një nga mbrojtëset më aktive të Edi Ramës në përballjet me opozitën, deri në atë pikë sa ta cilësonte publikisht “Skënderbe”.
Nëse Spiropali do ta kishte përdorur realisht “lugën” e pushtetit, vështirë se do të guxonte t’i dilte sot kundër Edi Ramës dhe rrethit të tij të afërt, madje me akuza të drejtpërdrejta për krijimin e një sistemi pushteti të mbështetur mbi ministra, deputetë, kryebashkiakë, oligarkë, trafikantë dhe njerëz të botës së krimit.
Ndryshe kanë vepruar shumë prej “lugëve të florinjta”.
Ministra, deputetë, kryebashkiakë dhe drejtorë që, edhe pasi janë shkarkuar apo arrestuar për firmosjen e vendimeve të qeverisë, nuk kanë guxuar të thonë asnjë fjalë kundër Edi Ramës.
Mes tyre përmenden emra si Ilir Beqja, Lefter Koka, Alqi Bllako e të tjerë.
Po heshtin edhe ata që vazhdojnë të përdorin “lugët e florinjta” që u ka dhënë Edi Rama.
Madje disa prej tyre vazhdojnë të ushqehen njëkohësisht nga “tepsia” e pushtetit, e oligarkëve, e koncesionarëve dhe e trafikantëve.
Në këtë kategori, sipas autorit, bëjnë pjesë Mirela Kumbaro, Eduard Shalsi, Olta Xhaçka, Bledi Çuçi, Blendi Klosi, Niko Peleshi, Ogerta Manastirliu, Anila Denaj, Pirro Vengu, Milva Ekonomi e të tjerë.
Dhe, sipas këtij këndvështrimi, edhe nëse një ditë do të përballen me drejtësinë, nuk do të guxojnë të thonë asnjë fjalë kundër “sulltanit”./Pamfleti
Pash zotin, ku e keni gjetë këtë foto ? Elisa shumë seksi. Nga këmbët nuk është çoç ndonjë gjë, por siç thonë shkodrojt, ma mirë koc e me u lëpi, se sa tul e me u ngi. Me që nuk i eci me pulitikë (siç e thotë Jozefina këtë fjalë), le të hapë ndonjë shtëpi publike, për femrat ish-politikane, sepse drejtë hapjes janë. Po e bëri këtë punë, suksesin e këtijë biznesi e ka të garantuar, duke filluar nga vehtja.
e di gjithe Kolonja sa ka vjedhur burri i Elises, prandaj kryebashkiaku eshte ne SPAK, i Gjati e hoqi qe ti bente nder dmth ta shpetonte nga burgu, po ku marrin vesh botoxet duan para
Komunizmi nuk dinte botokse e ngriti gruan ne piedestal me aq sa mundi. Botokset kurverite e hajdutllekun jane pjelle e Dhjerokracise. Bile sa desha t'i beja nje koment kesaj verres, ne kerkon mashkull ka Website sa te duash, mjaft u tarnanise.
Derrat e kenaqun hane nga corba Rama me luge te florinjte!