FLASH
Shkruar nga Pamfleti
Deputetja e PD-së, Albana Vokshi prezantoi detaje nga libri i zi i zgjedhjeve, ku sipas opozitës, përfshihen shkeljet dhe abuzimet e Qeverisë, gjatë zgjedhjeve të 11 majit. Në një dokument me mbi 1500 faqe, opozita pretendon se fakton atë që e konsideron si farsa zgjedhore.
“Farsa e madhe e zgjedhjeve në Shqipëri”, sipas Vokshit, përfshin mbi 2500 raste të abuzimeve, që tregojnë ‘vjedhjen e zgjedhjeve’.
Ajo theksoi se në libër tregohen dhe rastet e vjedhjes dhe abuzimet e Belinda Ballukut si drejtuese politike e qarkut të Fierit për PS-së për zgjedhjet e 11 majit.
“Task Forca e ngritur në selinë e PD për monitorimin e krimeve zgjedhore kishte 20 anëtarë secili me detyra të mirë përcaktuara.
Ka foto, dëshmi, fakte, jemi treguar të kujdesshme që gjithçka në libër të jetë e vërtetueshme dhe e provueshme. Kishte një volum të lartë.
Vetëm rastet e verifikuara janë përfshirë në rapiort. Kjo është vetëm një pjesë e vogël e asaj që a ndodhur gjatë fushatës, ditën e zgjedhjeve dhe pas saj. Janë gjithsej 2543 raste”, tha Vokshi.
Lini një Përgjigje