FLASH
Shkruar nga Pamfleti
Ish-deputeti Lefter Maliqi ka shpërthyer në kritika ndaj kryebashkiakut të Kuçovës Kreshnik Hajdari.
Maliqi thotë se shumë shpejt Kreshnik Hajdari do të largohet nga ajo karrige qe e ke ndotur me korrupsion dhe gjithë të zezat.
Maliqi denoncon se qyteti i Kuçovës është katandisur edhe pse kryetari i Bashkisë ka menaxhuar 40 mld lekë të ardhura. Duke listuar të gjitha problemet në qytetin e Kuçovës duke nisur qe nga rrugët, kanalizimet, ndriçimi etj. Ai shprehet gjithashtu se janë vjedhur taksat e qytetarëve dhe është abuzuar me tenderat korruptivë.
Sipas tij, bashkia është kthyer në emërime nepotike burrë-grua, kushërinj, krushqi; ndërkohë specialistët, intelektualët dhe socialistët e ndershëm janë rrugëve. Ish-deputeti shton se qeveria e përdor pushtetin vetëm për t’u pasuruar.
Shkrimi i plotë i Lefter Maliqit:
Burgu për Hajdarin ‘pengun’ e Salillarit është pak! Duro, se me turp do ikësh nga ajo karrige e popullit, që e ke ndotur me korrupsion e gjithë të zezat! E di që të kanë ndërhyrë e kanë joshur Prokurorët e “SPAK”-ut, me gjithë skandalet që ke bërë të pasqyruara në kallëzime dhe në Emisionin “STOP”, në “TV KLAN”.
E pabesueshme që në 5 vjet, ‘Hajdari i Salillarit’, Kryetar Bashkie, ka manaxhuar mbi 40 Miliardë Lekë të ardhura, grante dhe fonde nga Rilindja dhe shihni Kuçovën si e ka katandisur!
Skandalet në Kuçovë nuk paskan të mbaruar!
2 Milion Euro investimi tek Parku i Ri Qytetit, shikoni si ka përfunduar!
Po tregu mes qytetit si në Kandahar?!
Po “Muzeu Historik” si gërmadhë?!
Po “Shtëpia e Pritjes” si mos më keq?!
Po “Stadiumi i Naftëtarit” pa kushte dhe pa asnjë standart?!
Po “Qendër Kulture” që s’ka fare Bashkia, pasi Kinemanë e privatizuan?!
Po rrugët, kanalizimet si në fshat e qytet si në Mesjetë?!
Po urat nëpër fshatra?!
Po ndriçimi që mungon në mbi 80% të Bashkisë?!
Po pastrimi; kudo plehra e qenë rrugëve?!
Po varrezat plot abuzime?!
Vidhen taksat; abuzohet me to me tendera korruptivë! Tallen me të varfërit, me të pastrehët, me të thjeshtët e të ndershmit! Bashkia është kthyer në emërime nepotike burrë-grua, kushërinj, krushqi; ndërkohë specialistët, intelektualët dhe socialistët e ndershëm rrugëve. Qyteti në mjerim i shpopulluar i braktisur i keqpërdorur! Së bashku do largojmë Hajdarin e ‘pengun’ e ish-fatorinos, Oligarkut Salillari dhe ‘Hajdarët’ e tjerë, të korruptuar, që janë pasuruar me taksat tuaja dhe që përdorin pushtetin vetëm për t’u pasuruar.
Bashkinë do jua kthejmë banorëve dhe do të kthehet në “Kantier Ndërtimi”! Do habiteni si ka mundësi që brenda 1 viti, çdo gjë do të ndryshojë ashtu siç e meriton Kuçova e intelektualëve, aviatorëve dhe naftëtarëve!
Kurrë mos i gëzofsh as paratë e popullit, as karrigen e grabitur të Bashkisë në “14 Maj”! Kushdo mund të të fal, por njeriu i ligjit s’të fal kurrë, ashtu siç nuk kam falur dhjetëra kriminel, që edhe sot janë në burgjet e Shqipërisë! Vazhdo bëj qejf por mos harro gjumin kurrë nuk ke për t’a bërë të qetë se të presin byzylykët shumë shpejt dhe ti e di. Mandati i vjedhur, i grabitur nuk gëzohet kurrë.
Lini një Përgjigje