FLASH
Shkruar nga Pamfleti
Partia Demokratike dhe aleatët e saj kanë thirrur një protestë kombëtare pasditen e sotme kundër Qeverisë Rama, ndërsa kreu demokrat Sali Berisha është shprehur për nisjen e revoltave që do të ndalen vetëm me rrëzimin e saj.
Në këtë kuadër, deputetët demokratë janë angazhuar prej ditësh në takime me qytetarë, që i ftojnë të marrin pjesë në protestë.
Deputeti demokrat, Igli Cara, gjatë një takimi në Durrës, theksoi se pjesëmarrja në protestën e sotme është domosdoshmëri.
“Me demokratët dhe qytetarët e Durrësit, folëm hapur dhe me përgjegjësi për detyrën që kemi përpara. Pjesëmarrja në protestën e nesërme nuk është zgjedhje, është domosdoshmëri. Regjimi i Ramës ka varfëruar familjet shqiptare, ka përzënë fëmijët tanë nga atdheu, e ka kthyer Shqipërinë në narkoshtet dhe ka grabitur buxhetin e shtetit dhe çdo pronë publike.
Nesër, më 22 Dhjetor, në orën 18:00, të gjithë në protestë kundër regjimit. Koha nuk pret. Shqipëria na thërret! Partia Demokratike Dega Durrës.”, shkruan Cara në rrjetin social.
Lini një Përgjigje