FLASH
Shkruar nga Pamfleti
Aktivistja Evi Kokalari u ka bërë thirrje demokratëve që të premten të shkojnë dhe të protestojnë para selisë së Partisë Demokratike.
Ajo kërkon përjashtimin e të gjithë kryesisë së Partisë Demokratike dhe dorëheqjen e Sali Berishës nga posti i kryetarit të partisë. Më pas ajo kërkon hapjen e menjëhershme të garës për të zgjedhur kreun e ri të PD-së. Kokalari thekson më tej se nëse nuk ndodh një gjë e tillë, PD-ja deri në 2030 do të shkrihet.
Postimi i Kokalarit:
Të nderuar demokratë/ Ju bëj thirrje të mos dilni në këtë protestë të thirrur nga dikush që pësoi disfatën më spektakolare të këtyre 34 viteve “demokraci”, edhe pse kishte LaCivita-n në fushatë.
Më 16 maj, ora 17:00, protestoni tek selia e partisë demokratike për arsyet e mëposhtme:
Grabitje zgjedhjesh:
Grabitja që ju është bërë secilit prej jush në çdo garë të brendshme të PD-së
Grabitja e garës për Kryesinë e PD-së
Grabitja e Këshillit Kombëtar 2022
Grabitja e fitores së zgjedhjeve të majit 2023
Grabitja e primareve këto tre vitet e fundit
Grabitja e garës së FRPD-së
Grabitja e vendeve të Këshillit Bashkiak
Grabitja e vendeve në listat e mbyllura
Grabitja e kandidaturave, ku vendoset sipas qejfit të Berishës dhe jo mbi bazë të meritokracisë
Grabitja e mundit dhe energjisë që keni shpenzuar që nga viti 2013, dhe që ju ka çuar nga humbja në humbje me pazaret e tyre
Grabitja e fitores së së djathtës që Berisha e ka marrë peng që në 1991
KËRKONI:
Dorëheqjen e pjesëtarëve të LSI-së nga listat e mbyllura.
Dorëheqjen e Gazment Bardhit dhe Agron Gjekmarkajt, të cilët ju helmuan më 8 janar
Dorëheqjen e Jozefina Topallit, e cila jo vetëm që e la PD-në dhe hapi partinë e saj më 2021 – kur shanset për fitore ishin 35% më të larta – por nuk mori pjesë në asnjë foltore apo betejë të PD-së së rithemelimit
Dorëheqjen e Fatmir Mediut
PROTESTONI DHE INSISTONI:
Dorëheqjen e menjëhershme të gjithë Kryesisë së PD-së
Përjashtimin nga partia të Flamur Nokës
Përjashtimin nga partia të Albana Vokshit
Përjashtimin nga partia të Edi Palokës
Përjashtimin nga partia të Enno Bozdos
Përjashtimin nga partia të Belind Këlliçit
Përjashtimin nga partia të Besart Xhaferrit
Dorëheqjen me ceremoni të SALI BERISHËS
Hapjen e garës për Kryetarin e ri të PARTISË DEMOKRATIKE
Nëse nuk protestoni për këto më sipër, më 2030 PD-ja do të shpërbëhet plotësisht!
Me respekt, Yours truly
Lini një Përgjigje