FLASH
Shkruar nga Pamfleti
Deputeti i Partisë Demokratike Enkelejd Alibeaj tha se qëllimi i marrëveshjes mes Partisë Socialiste dhe Rithemelimit është që të dekurajojnë Prokurorinë e Posaçme, SPAK.
Sipas tij, të dyja palët kanë probleme me SPAK, Rithemelimi me kryetarët dhe mazhoranca me zyrtarët e korruptuar.
“Palët janë ndarë, nga një anë jemi ne PD, që e mbështesim në maksimum produktin e SPAK, ka një palë tjetër që kanë probleme me SPAK; Rithemelimi ka problem të madh me drejtuesin e tyre, mazhoranca sot është ajo që ka predikuar gjithmonë për mbështetjen ndaj SPAK, Rama e ka cilësuar produkt i PS, ndërkohë që bashkohen tek kjo çështje. Hallexhinjtë e SPAK janë bërë bashkë dhe nuk është lëvizja e parë dhe e fundit, se ka një sërë lëvizjesh të tjera nën dhe që duan të godasin SPAK; shpërthimet e kryeministrit ndaj BKH, Shalsi tha se do krijojnë një komision për të kontrolluar SPAK, dhe e fundit është raporti i fundit i SPAK që ka të dhëna të frikshme, një prej tyre është kjo: në 2023 ka 40 për qind e referimeve për korrupsion nga shteti vetë”, tha ndër të tjera Alibeaj në një intervistë për Euronews Albania.
Lini një Përgjigje