FLASH
Shkruar nga Pamfleti
Presidenti Bajram Begaj tha se po jetojmë në një botë të trazuar ku konfliktet përbëjnë rrezik serioz për sigurinë.
Në Ditën Ndërkombëtare të Paqes, kreu i Shtetit u shpreh se zhvillimet e fundit ndërkombëtare kanë treguar se paqja nuk është asnjëherë e sigurt.
Begaj tha gjithashtu se historia na njeh ne si paqedashës dhe inkurajon të vijojmë të shpërndajmë modelin e paqes dhe ruajtjen e kulturës.
“Po jetojmë në një botë të trazuar nga konfliktet që përbëjnë kërcënime e rreziqe serioze për paqen dhe sigurinë botërore.
Zhvillimet më të fundit ndërkombëtare kanë treguar se paqja nuk është asnjëherë e sigurt. Historia na njeh ne shqiptarët si paqedashës. Luftërat që nuk i zgjodhëm, na kanë dhënë mësime të vyera.
Le të vijojmë të shpërndajmë modelin tonë të paqes e të ruajmë kulturën e mbrojtjes së saj. Bota ka nevojë për të!”, shkruan presidenti Bajram Begaj.
Lini një Përgjigje