FLASH
Shkruar nga Pamfleti
Deputetja demokrate Jorida Tabaku duke analizuar bojkotin e parlamentit në vitin 2019 dhe largimin nga zgjedhjet lokale, deklaroi se ishte një gabim me kosto të mëdha për opozitën.
E ftuar në emisionin “Real Story” në “Abc News”, Tabaku tha se 10 vite në opozitë tregojnë se është koha që PD-ja të ndryshojë modelin dhe të mos merret me veten. Ajo shtoi se PD-ja sot duhet të japë një ofertë politike nëse do të që rikthehet në pushtet.
“Bëhet fjalë për një sistem që është kthyer në kulturë në administratë që duhet ta ç’rrënjosim. Korrupsioni ka ndodhur në 30 vite, po si është perfeksionuar në këto 10 vite dhe ato që kanë ndodhur në këto 10 vite, nuk di të them. Duke e parë nga pikëpamja e të bërit opozitë, jam shumë dakord me ju që ndoshta ne e kemi thënë që këto e bëjnë keq, që ky model nuk shkon, vret meritokracinë, prish sistemin edhe ajo e profesioneve të lira në fakt e njëjta gjë është prishje sistemi. Ne tani duhet të jemi në momentin se si ne do e bëjmë ndryshe.
Dhe këtë gjë ne nuk e kemi bërë aq mirë sa duhet apo si duhet. Largimi nga parlamenti në 2019 për mua i ka hequr vlerën parlamentit dhe sot e kësaj dite nëse parlamenti shihet si institucion që nuk ka vlerën që duhet të kishte vjen pikërisht prej asaj. Largimi nga zgjedhjet lokale, janë kosto që ne duhet t’i mbajmë. Dhe kur them ne, e kam fjalën unë dhe secili që ka marrë vendimin për këtë. Nuk mund të sillemi dot sikur ka nisur opozita sot. Kemi 10 vite në opozitë, duhet të ndryshojmë modelin, t’i flasim njerëzve si do e bëjmë ne ndryshe dhe të mos merremi me veten dhe si sot janë duke u përfshirë persona të ndryshëm në opozitë në pozicione të ndryshme, por duhet patjetër që t’u japim një ofertë politike dhe kjo oferët politika është koha“, u shpreh Tabaku.
Lini një Përgjigje