FLASH
Shkruar nga Pamfleti
Analisti Lorenc Vangjeli tha se ish-kryeministri Berisha nuk guxon të përmendë emrin e Nuredin Dumanit, duke nënkuptuar një frikë të tij ndaj hetimeve SPAK. Vangjeli shprehet se një tjetër hall i madh i Berishës është se ka zero shanse për t’u kthyer në pushtet.
“Një tjetër halli më i madh i Berishës janë zero shanset që ka për t’u kthyer në pushtet. Sot nuk guxon të thotë ai çuni i rrugës së burgut duke iu referuar adresës së Nuredin Dumanit”, shtoi Vangjeli.
“Unë dje kam publikuar një editorial me titullin metamorfoza e Berishës nga pengmarrës në peng, metafora e Spiropalit më shkon me atë që unë gjykoj dhe mendoj. Mund të gjejmë një paralele mes këtyre dy personazheve. Ajo çka thonë duhet kuptuar dhe menduar mbi atë që nuk mendojnë. Ju zonjë thatë prologun e diçkaje. Kur thoni snajperist me qira, ka diçka tjetër. Kush e ka marrë me qira?”, tha Vangjeli duke iu referuar deklaratës së ministres Elisa Spiropali e cila e quajti Berishën “një snajperist me qira”.
Teksa thekson se opozita nuk mund të quhet ende e tillë, Vangjeli shton se bazuar në situatën politike, e sheh PS si një forcë që ka luksin të fitojë edhe një tjetër mandat.
“E shoh PS si një forcë që ka luksin jo thjesht të fitojë por të presë të humbasin kundërshtarët e saj. Zonja Spiropali përmend vitin 2030 si Rama. Duket se garancia e parë që i japin vetes për këtë lloj optimizmi politik vjen edhe nga fakti që opozita nuk është më e tillë. Ajo duhet të jetë e tillë pastaj të bëhet forcë qeverisëse. Në 2025 do jemi para një fakti që nuk do flasim si do fitojë Rama, por sa do fitojë”, tha ai.
I pyetur për “luftën” e Lulzim Bashës përballë Sali Berishës dhe Gazment Bardhit, Vangjeli tha se nuk funksionon kështu demokracia.
“Edhe unë mund të hedh propozime. Të gjithë të dëgjojnë por askush nuk t’i merr për bazë. Fillimisht duhet të nisë funksioni i opozitës”, u shpreh ai në lidhje me propozimet e Bashës për reformën zgjedhore.
Lini një Përgjigje