FLASH
Shkruar nga Pamfleti
Presidentja e Komisionit Europian, Ursula von der Leyen ka zhvilluar ditën e sotme një takim me presidentin, Bajram Begaj.
Përmes një postimi në “Facebook” ka qenë kreu i shtetit, i cili ka ndarë detaje nga ky takim, ku në fokus ka qenë integrimi i vendit tonë drejt Bashkimit Europian.
“I lumtur të takohem me Presidenten Ursula Von der Leyen e të shkëmbejmë në një diskutim të hapur pikëpamjet mbi integrimin e Shqipërisë dhe rajonit në BE.
Mirënjohje, Presidente Von der Leyen, për përkushtimin tuaj personal për përshpejtimin e procesit të hapjes së të gjithë kapitujve për Shqipërinë deri në fund të vitit 2025! Do të bëjmë gjithçka që t’i përgjigjemi aspiratës së shqiptarëve për anëtarësimin e plotë në BE”, shkruan Begaj.
Presidentja e Komisionit Europian do të vijojë turin në 5 vendet e tjera të Ballkanit Perëndimor.
Vizita e Von der Leyen është pjesë e turit të Ballkanit Perëndimor me fokus paketën e BE-së për rritje dhe reforma në rajon, e cila përfshin ndihmë financiare prej 6 miliardë euro për këto vende.
Lini një Përgjigje