FLASH
Shkruar nga Pamfleti
Edi Rama ka shpërblyer me poste Blendi Klosin dhe Bledar Çuçin. Edhe pse janë dy emra që kanë ikur nga qeveria me bilanc negativ, kryeministri ka vendosur të mos i lëshojë dhe tu japë detyra të reja.
Bledi Çuçi do të marrë detyrën e lënë nga Taulant Balla, atë të kreut të grupit parlamentar socialist. Ndërkohë mësohet se Damian Gjiknuri ka dorëzuar postin e Sekretarit të Përgjithshëm. Në vend të tij është emëruar Blendi Klosi.
Ndonëse u trumbetua se do të ishte një mbledhje që do kishte zhvillime të forta, si shkarkime ministrash dhe drejtuesish politikë të PS, në fakt duket se mbledhja u bë për të qerasur Klosin dhe Çuçin.
Mësohet se në mbledhje Rama ka vijuar me të njëjtën retorikë. Ai ka kritikuar të vetët dhe i ka paralajmëruar se do të mbajnë përgjegjësi për aferat. Duke qenë se opozita nuk funksionon, Rama i trembet asaj që ndodh brenda kampit të mazhorancës dhe nuk është kursyer.
Ndërkohë një zhvillim tjetër i çuditshëm sot ishte mbi ndryshimet në qeveri. Fillimisht u lajmërua se Rama ka shkarkuar Delina Ibrahimajn. Ky vendim u konfirmua për mediat nga vetë njerëz në qeveri, mirëpo pas një ore ndryshoi situata. Rama dhe Ibrahimaj e mohuan. Vetë Asambleja u mbajt me dyer të mbyllura dhe as fjala e Ramës nuk u transmetua. Pra duket se situata brenda selisë rozë nuk është aq e qetë sa duket.
Lini një Përgjigje