FLASH
Shkruar nga Pamfleti
Komisioni Parlamentar i Sigurisë ka marrë në shqyrtim sot projektligjin “Për dhënie amnistie” sipas të cilit, do të përfitojnë 600 të dënuar, mes të cilëve edhe 10 gra e 10 të mitur.
Por deputetët socialist po shohin mundësinë e zgjerimit të veprave penale të përfshira në amnisti. Ata kanë propozuar të futen dhe veprat e ndërtimeve pa leje.
“Nuk mund të qëndrojnë arrest shtëpie dy persona të zënë me grushte në avujt e alkoolit të vijojnë arrest shtëpie. Edhe ata për ndërtime pa leje dhe detyrim paraqitje”, tha deputeti Bujar Çela.
Po ashtu përfaqësuesit e mazhorancës në komision kanë kërkuar edhe zgjatje të afatit të amnistisë deri më 31 Dhjetor 2023.
Kryetari i komisionit të sigurisë, Nasip Naço e shtyu diskutimin për të lënë kohë për reflektimin e propozimeve të deputetëve socialist dhe njëherësh kërkoi edhe bashkëpunimin e opozitës për ta miratuar.
Lini një Përgjigje