FLASH
Shkruar nga Pamfleti
Një luftë për kontrollin e trafikut të drogës në zonën e Frosinones. Është ky shkaku që i të shtënave fatale në “Shake Bar” në Frosinone që ndodhi mbrëmjen e së shtunës, 9 marsit të vitit të kaluar, në të cilën u vra Kasen Kasmi dhe u plagos rëndë vëllai i tij Ervini. Gjithashtu të plagosur mbetën edhe vëllezërit Klevi dhe Alvider Hidraliu, të gjithë me kombësi shqiptare.
Kjo shpjegohet në arsyet e dënimit me 20 vjet burg për të pandehurin, Mikea Zaka, të publikuara sot nga gjyqtari Antonello Bracaglia Morante.
Në arsyetim, gjyqtari rindërton hetimet dhe çmonton historinë e krijuar në ditët e para pas ngjarjes, ku thuhej se shkaku i krimit ishte xhelozia.
Sipas gjyqtarit, të shtënat ndodhën për një larjeje hesapesh për kontrollin e tregut të drogës në kryeqytet, me katër persona që shkuan në Shake Bar për të sulmuar të pandehurin. Megjithatë, ai i priste ata dhe pikërisht për këtë arsye mbante armë.
Gjykatësi përjashton mundësinë që të shtënat të jenë kryer në vetëmbrojtje dhe e cilëson vrasjen si një akt të planifikuar. Ai gjithashtu ngre alarmin për infiltrimin e krimit shqiptar në Frosinone: në burg, i pandehuri u kap ndërsa po telefononte në Shqipëri për të kërkuar mbrojtje për familjen e tij.
Në llogaritjen e dënimit, në fund të 72 faqeve, shpjegohet se dënimi maksimal i mundshëm për vrasje dhe tentativë vrasjeje ishte 30 vjet burg, i reduktuar në 20 falë zbritjes së parashikuar nga procedura e gjykimit të shkurtuar.
Lini një Përgjigje