FLASH
Shkruar nga Pamfleti
Detaje të reja janë zbardhur në lidhje 4 shqiptarë të komunitetit rom, të cilët u arrestuan nga policia helene si autorë të vrasjes së një 54-vjeçari grek, roje në një park fotovoltaik, në muajin korrik raportojnë mediat greke.
Një gabim në dukje i parëndësishëm i autorëve i ka “tradhtëtuar” ata, situatë që çoi edhe në arrestimin e tyre.
Në fotot e publikuara nga protothema.gr disa nga autorët e dyshuar shfaqen të ulur në një kafene në Patisia pak orë pas krimit.
Në këtë kafene njëri prej tyre bëri gabimin fatal, duke hedhur celularin e viktimës në rrugë.
Disa orë më vonë pasi ata ishin larguar nga dyqani, celulari u pikas nga një burrë që kalonte jashtë dyqanit. Ai pa se telefonata e fundit ishte nga një grua. Ishte gruaja e 54-vjeçarit. Ai telefonoi numrin dhe dëgjoi nga linja tjetër një zë gruaje që i thoshte se burri i saj ishte viktimë e një sulmi dhe se celulari ishte i tij.
Celulari iu dorëzua autoriteteve dhe policisë, që më pas shkuan në vendngjarje për të kryer hetimet. Pasi kanë analizuar pamjet e marra nga kamerat e zonës, kanë identifikuar personat e përfshirë dhe i kanë vënë në pranga.
Si ndodhi vrasja?
Ka qenë e shtunë, 15 korrik , kur 54-vjeçari grek u sulmua brutalisht nga katër shqiptarët, të cilët, duke mbajtur sende hekuri, e goditën vazhdimisht në kokë.
Autorët më pas i morën çantën që kishte dy celularë, ndërkohë viktima u gjet pa ndjenja pak kohë pas rrahjes dhe u dërgua me dëmtime të rënda në tru në Thriasio, ku ndërroi jetë pak ditë më vonë.
Lini një Përgjigje