FLASH
Shkruar nga Pamfleti
Një rast i trafikut të armëve nga Kosova drejt Shqipërisë është goditur nga autoritetet, duke rezultuar në arrestimin e 10 personave dhe 2 të tjerëve të shpallur në kërkim.
Sipas njoftimit të uniformave blu, armët siguroheshin nga Kosova, e më pas silleshin në Shqipëri me qëllim shitjen e tyre, kryesisht në Tiranë.
Në banesën e një prej të arrestuarve u gjetën gjithashtu dhe 2077 fara kanabisi. Sakaq, me datë 1 prill, në kuadër të hetimeve, u ndaluan dy persona, pasi u kapën në flagrancë me 2 armë zjarri, të dyshuara të trafikuara nga Kosova, me qëllim shitjen në Tiranë.
Të arrestuarit janë:
1. Emirel Tusha, 32-vjeç
2. Leandro Haxhiaj, 21-vjeç
3. Fabricio Berberi, 26-vjeç
4. Rikardo Hajdaraj, 21-vjeç
5. Visar Murati, 23-vjeç
6. Kevin Farruku, 18-vjeç
7. Geraldo Muraj, 22-vjeç
8. Adriano Shehu, 23 vjeç
9. Altin Pajaziti ( i arrestuar më herët)
10. Kadri Prushi ( i arrestuar më herët)
Në kërkim janë shpallur:
1. R.K., 41-vjeç
2. A. N., 24-vjeç
"Nga hetimet dyshohet se këta shtetas, pasi siguronin armë zjarri kryesisht në Kosovë por dhe në qytete të ndryshme të Shqipërisë, i sillnin ato në Tiranë, për t’i shitur. Gjatë periudhës hetimore, në kuadër të këtij procedimi, më datë 01.04.2025, janë ndaluar shtetasit A. P dhe K. P., pasi u kapën në flagrancë me 2 armë zjarri, të dyshuara të trafikuara nga Kosova, me qëllim shitjen në Tiranë. Në vijim të veprimeve, gjatë kontrollit të banesës së shtetasit K. F, shërbimet e Policisë gjetën e sekuestruan 2077 fara cannabisi.Punohet për kapjen e shtetasve në kërkim dhe për dokumentimin e plotë të kësaj veprimtarie kriminale. ", njofton mes të tjerash policia.
Lini një Përgjigje