FLASH
Shkruar nga Pamfleti
Tre persona janë ekstraduar në Shqipëri pasi janë dënuar për veprimtari kriminale në fushën e narkotikëve dhe për mashtrim.
Bëhet fjalë për Saimir Prenga, Arjan Gjergji dhe Besmir Kola alias Zef Kola.
Saimir Prenga 42-vjeç është ekstraduar nga Italia pasi Gjykata e Posaçme për Korrupsionin dhe Krimin e Organizuar i ka caktuar atij masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në kuadër të grupit të strukturuar kriminal.
Ai akuzohet se në bashkëpunim me shtetasin Gj. L., gjatë periudhës 2017-2018, ka shitur rreth 67 kg lëndë narkotike kabanis.
Arjan Gjergji 43-vjeç nga Shkodra është ekstraduar nga Gjermania në Shqipëri, pasi Gjykata e Shkallës se Parë e Juridiksionit të Përgjithshëm Shkodër i ka caktuar atij, masën e sigurisë “Arrest në burg”, për veprën penale “Prodhimi dhe shitja e narkotikëve”, kryer në bashkëpunim.
Ai akuzohet se ka bashkëpunuar për prodhimin dhe shitjen e 20 kilogramëve lëndë narkotike kanabis, që u sekuestrua nga Policia, në fshatin Grudë Fushë, në vitin 2021.
Besmir Kola alias Zef Kola 65-vjeç, banues në Durrës u ekstradua nga Greqia, pasi Gjykata e Shkallës së Parë Durrës e ka dënuar me 3 vjet burgim, për veprën penale “Mashtrimi”.
Të tre personat e ekstraduar i janë dorëzuar Drejtorisë së Përgjithshme të Burgjeve.
Lini një Përgjigje