FLASH
Shkruar nga Pamfleti
Një person ka rënë pre e një sulmi me armë sot në zonën e Bathores në Tiranë. Sipas informacioneve, dy persona me motor kanë qëlluar në drejtim të një 46-vjeçari, i cili fatmirësisht ka marrë vetëm një plumb në këmbë dhe ka mbetur i plagosur.
Autorët kanë hapur zjarr dhe më pas janë larguar. Sipas informacioneve, i plagosur ka mbetur Agim Hida, i cili është dërguar në spital dhe ndodhet jashtë rrezikut për jetën.
Policia ka shkuar në vendin e ngjarjes dhe po kqyr zonën për kapjen e autorëve. Ende nuk dihen shkaqet e ngjarjes dhe po hetohet nëse kemi të bëjmë me një atentat të mirëmenduar.
"Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit/ëve.
Grupi hetimor, në drejtimin e Prokurorisë, ndodhet në vendngjarje dhe vijon veprimet hetimore për zbardhjen e rrethanave të ngjarjes", njofton policia.
Lini një Përgjigje