FLASH
Shkruar nga Pamfleti
Operacioni i Guardia di Finanza zbërthen rrjetin kriminal që vepronte në Lombardi; sekuestrime spektakolare dhe arrestime të krerëve të organizatës.
Një operacion i gjerë antidrogë ka tronditur qytetin e Bergamos dhe më gjerë, duke çuar në shkatërrimin e një organizate kriminale italo-shqiptare që vepronte në trafikun e drogës, shfrytëzimin e prostitucionit dhe grabitjen e vilave luksoze.
Sipas autoriteteve italiane, Guardia di Finanza kreu një aksion të koordinuar që rezultoi në arrestimin e disa anëtarëve kyç të grupit, të përbërë nga shtetas italianë dhe shqiptarë, aktivë në rajonin e Lombardisë dhe zonat përreth. Gjatë operacionit u sekuestruan armë zjarri, sasi të mëdha droge (marihuanë, hashash dhe kokainë), shuma të konsiderueshme parash të ndara në pako, si dhe një limuzinë luksoze e përdorur për transportimin e punëtoreve të seksit .
Akuzat ndaj të arrestuarve përfshijnë trafik droge, shfrytëzim prostitucioni, grabitje vilash, zhvatje, pranim mallrash të vjedhura, falimentim mashtrues dhe posedim të paligjshëm të armëve. Ndërkohë, autoritetet nuk kanë bërë publike identitetet e të arrestuarve, por kanë shpërndarë pamje dhe foto të aksionit dhe sekuestrimeve të kryera .
Ky operacion tregon edhe një herë përfshirjen e elementëve shqiptarë në rrjete kriminale ndërkombëtare, duke ngritur shqetësime për sigurinë dhe integritetin e komuniteteve shqiptare në diasporë. Autoritetet italiane vijojnë hetimet për të zbuluar lidhjet e mundshme të kësaj organizate me rrjete të tjera kriminale në Evropë.
Lini një Përgjigje