FLASH
Shkruar nga Pamfleti
Mediat italiane raportojnë se në krye të grupit kriminal italo-shqiptar ishin dy vëllezër të klanit Çela në Elbasan.
Policia e Shtetit ka marrë pjesë në një operacion të iniciuar nga autoritetet italiane, për shkatërrimin e një grupi kriminal që trafikonte kokainë me automjete nga Amerika e Jugut për ta shitur në Itali dhe në shtete të Europës Qendrore.
Në kuadër të megaoperacionit policor ndërkombëtar “ICARO.AL”, të iniciuar nga autoritetet italiane, Policia e Shtetit në Shqipëri, në bashkëpunim me Guardia di Finanza, SPAK, dhe agjencitë partnere ndërkombëtare, ka zbuluar dhe ndaluar disa persona të përfshirë në një rrjet kriminal që trafikonte kokainë nga Amerika e Jugut drejt Italisë dhe vendeve të Europës Qendrore.
Mësohet se deri tani në pranga kanë rënë 12 persona, ndërsa 8 të tjerë janë nën hetim. Mësohet se në Shqipëri janë arrestuar 5 persona, me qëllim ekstradimin e tyre drejt Italisë: Igli Dervishi., 30 vjeç, banues në Elbasan; Shkëlqim Pashja, 44 vjeç, banues në Elbasan; Ervin Dema, 40 vjeç, banues në Elbasan; Edmond Zhuja, 41 vjeç, banues në Shkodër; Genti Berisha, 28 vjeç, banues në Tiranë.
Mediat italiane raportojnë se në krye të grupit kriminal italo-shqiptar ishin dy vëllezër të klanit Çela në Elbasan. Sipas tyre, ata drejtonin operacionet e importimit dhe tregtimit të lëndës narkotike dhe grumbullimin e të ardhurave, të cilat dërgoheshin në Shqipëri. duke shfrytëzuar bashkëpunimin e drejtuesve të autobusëve që operonin linjën Breshia-Elbasan.
Hetimet nisën në gjysmën e dytë të vitit 2020, pas identifikimit të aktivitetit të shpërndarjes së kokainës në ambiente argëtuese në liqenin Garda, Itali. Në vitin 2021, një nga të dyshuarit u kap me 350 kg kokainë, çka çoi në rikonstruktimin e një rrjeti kriminal italo-shqiptar.
Droga importohej nga Amerika e Jugut nëpërmjet automjeteve të modifikuara dhe shpërndahej në Itali dhe Europë. Për të siguruar furnizime të drogës, vëllezërit nga klani Çela udhëtuan në Kolumbi, Ekuador dhe Dubai, duke krijuar kontakte me furnizuesit kryesorë të kokainës.
"Deri tani, në kuadër të këtij megaoperacioni janë vënë në pranga 12 shtetas dhe po hetohen 8 të tjerë. Lokalizohen në Shqipëri dhe vihen në pranga, me qëllim ekstradimin, 5 shtetas shqiptarë, të akuzuar si pjesëtarë të grupit", thuhet në njoftimin e policisë.
Informacioni i siguruar nga Policia shqiptare mundësoi arrestimin në Spanjë të një tjetër pjesëtari të grupit, Gerardo Pashja alias Astrit Pashja, 48 vjeç, me precedent penal.
Sipas unifromave blu, është identifikuar dhe shpallur në kërkim shtetasi M. M., 28 vjeç, i cili kërkohet gjithashtu për vepra të tjera penale.
Grupi kriminal përdorte automjete të modifikuara për të fshehur lëndën narkotike dhe e trafikonte atë drejt qyteteve të Italisë dhe shteteve të Europës Qendrore. Aktiviteti i tyre përfshinte një rrjet të gjerë shpërndarjeje të kokainës në Europë.
"Këta shtetas akuzohen nga Gjykata e Breshias, Itali, se të organizuar si grup, kanë trafikuar lëndë narkotike Kokainë nga Amerika e Jugut, nëpërmjet automjeteve të modifikuara për fshehjen e lëndës narkotike dhe e kanë shitur atë në qytete të Italisë dhe në shtete të Europës Qendrore. Interpol Tirana po bashkëpunon me homologët, për të finalizuar ekstradimet e shtetasve të arrestuar", njofton më tej policia.
Njoftimi i plotë i policisë:
Policia e Shtetit pjesë e megaoperacionit policor, ndërkombëtar të koduar “ICARO.AL”.
Megaperacioni i iniciuar nga autoritetet italiane, për shkatërrimin e një grupi kriminal që trafikonte Kokainë me automjete nga Amerika e Jugut për ta shitur në Itali dhe në shtete të Europës Qendrore.
Deri tani, në kuadër të këtij megaoperacioni janë vënë në pranga 12 shtetas dhe po hetohen 8 të tjerë.
Lokalizohen në Shqipëri dhe vihen në pranga, me qëllim ekstradimin, 5 shtetas shqiptarë, të akuzuar si pjesëtarë të grupit.
Më tej, informacioni i siguruar nga Policia shqiptare, mundësoi kapjen në Spanjë, të një tjetër pjesëtari të grupit, gjithashtu shtetas me precedent penal.
Identifikohet dhe shpallet në kërkim për të njëjtën akuzë, 1 shtetas shqiptar, aktualisht në kërkim për vepra të tjera penale.
Në kuadër të megaoperacionit “ICARO.AL”, Strukturat për Hetimin e Krimit të Organizuar në DPPSH, ato të Drejtorive Vendore të Policisë Tiranë dhe Elbasan, Drejtoria e Forcës së Posaçme Operacionale, Forca Kombëtare e Sigurisë Njësia Tiranë, si dhe Guardia di Finanza, në bashkëpunim me SPAK-un, vunë në pranga shtetasit:
D., 30 vjeç, banues në Elbasan;
Sh. P., 44 vjeç, banues në Elbasan;
D., 40 vjeç, banues në Elbasan;
Zh., 41 vjeç, banues në Shkodër;
B., 28 vjeç, banues në Tiranë.
Më tej, si rezultat i sigurimit të informacionit nga strukturat e Policisë shqiptare, dhe shkëmbimit të tij me homologët spanjollë, u vu në pranga në Spanjë shtetasi shqiptar me precedent penal, G. P. alias A. P., 48 vjeç.
Gjithashtu, gjatë zhvillimit të këtij megaoperacioni, në Shqipëri, është identifikuar dhe shpallur në kërkim shtetasi M. M., 28 vjeç, i cili kërkohet dhe për vepra të tjera penale.
Në koordinim me partnerët, po punohet për lokalizimin dhe arrestimin e këtij shtetasi.
Këta shtetas akuzohen nga Gjykata e Breshias, Itali, se të organizuar si grup, kanë trafikuar lëndë narkotike Kokainë nga Amerika e Jugut, nëpërmjet automjeteve të modifikuara për fshehjen e lëndës narkotike dhe e kanë shitur atë në qytete të Italisë dhe në shtete të Europës Qendrore.
Interpol Tirana po bashkëpunon me homologët, për të finalizuar ekstradimet e shtetasve të arrestuar. Materialet procedurale i kaluan SPAK, për veprime të mëtejshme.
Lini një Përgjigje