FLASH
Shkruar nga Pamfleti
Një 29-vjeçar ka rënë në prangat e policisë së Lezhës, pasi mbrëmjen e djeshme ka plagosur me thikë një 27-vjeçar, në Balldre.
Uniformat blu bëjnë me dije se i arrestuari është identifikuar si Aleksandër Ramaj. Mësohet se pas një konflikti për motive të dobëta, Ramaj ka plagosur me thikë, 27-vjeçarin me inicialet A.K., i cili po merr ndihmë mjekësore dhe ndodhet jashtë rrezikut për jetën.
Ndaj, 29-vjeçarit rëndojnë akuzat: “Plagosja e rëndë me dashje” dhe “Prodhimi dhe mbajtja pa leje e armëve të ftohta”.
Njoftimi i policisë:
Lezhë
Plagosi me mjet prerës (thikë), një shtetas, pas një konflikti të çastit, për motive të dobëta, falë reagimit të menjëhershëm të shërbimeve të Policisë, identifikohet, kapet dhe vihet në pranga 29-vjeçari.
Shërbimet e Komisariatit të Policisë Lezhë, menjëherë pasi janë njoftuar se në Balldre, Lezhë, një shtetas ishte plagosur me mjet prerës (thikë), kanë organizuar punën për zbardhjen e rrethanave të këtij rasti, si dhe për identifikimin dhe kapjen e autorit.
Si rezultat i veprimeve të shpejta dhe profesionale policore, u identifikua, u kap dhe u arrestua në flagrancë shtetasi A. R., 29 vjeç, banues në Balldre, pasi dyshohet se mbrëmjen e djeshme, në Balldre, Lezhë, pas një konflikti të çastit, për motive të dobëta, ka dëmtuar me mjet prerës (thikë), shtetasin A. K. 27 vjeç.
27-vjeçari aktualisht merr asistencë mjekësore në spital, jashtë rrezikut për jetën.
Materialet procedurale i kaluan Prokurorisë pranë Gjykatës së Rrethit Gjyqësor Lezhë, për veprime të mëtejshme, për veprat penale “Plagosja e rëndë me dashje” dhe “Prodhimi dhe mbajtja pa leje e armëve të ftohta”.
Lini një Përgjigje