FLASH
Shkruar nga Pamfleti
Policia e Lushnjës ka arrestuar dy shoferët pas aksidentit të djeshëm. Një kamion përplasi ambulancën ku për pasojë humbi jetën pacienti Dashamir Koçaj, 77 vjeç, i cili po transportohej për në Tiranë.
Nga përplasja u lënduan shoferi i ambulancës, infermieri dhe vajzat e 77-vjeçarit që ndërroi jetë.
"Sipas burimeve zyrtare, në vijim të veprimeve procedurale të kryera për aksidentin e ndodhur ditën e djeshme, në aksin rrugor “Lushnjë-Fier”, me pasojë vdekjen e një pacienti që po transportohej me autoambulancë, specialistët e Sektorit të Qarkullimit Rrugor të DVP Fier arrestuan 2 drejtuesit e automjeteve (kamion dhe autoambulancë) të përfshirë në këtë aksident, shtetasit L. Gj., 31 vjeç dhe F. R., 54 vjeç, për veprën penale “Shkelja e rregullave të qarkullimit rrugor”.
Po ashtu nga përplasja janë dëmtuar shoferi i ambulancës, infermieri dhe vajzat e pacientit që ndërroi jetë", njoftoi policia.
Lini një Përgjigje