FLASH
Shkruar nga Pamfleti
Kërkimet për Jurgen Karajn nga Klosi, i cili dyshohet se është marrë nga rrjedha e përroit në fshatin Darsë ende vazhdojnë.
Në operacionin e kërkimit për gjetjen e 30-vjeçarit janë përfshirë polumbarët e Regjimentit të Operacioneve Speciale dhe 22 efektivë të Forcave të Armatosura. Në një njoftim nga Ministria e Mbrojtjes, thuhet se operacioni i kërkimit po vijon me ndihmën e dronëve dhe pajisjeve të specializuara dhe së shpejti pritet gjetja e trupit të 30-vjeçarit.
“Kërkimet nuk ndalen në Klos. Me përkushtim maksimal, polumbarët e Regjimentit të Operacioneve Speciale dhe 22 efektivë të Forcave të Armatosura po vijojnë pa ndërprerje kërkimet për gjetjen e të riut që dyshohet se u mor nga rrjedha e lumit Mat pas një aksidenti me makinë.
Me ndihmën e dronëve dhe pajisjeve të specializuara, çdo metër terreni po kontrollohet, nga ura e Darsës në Klos deri në bashkinë e Matit. Shpresojmë në një përfundim sa më të shpejtë të operacionit”, thuhet në njoftimin e Ministrisë së Mbrojtjes.
Lini një Përgjigje