FLASH
Shkruar nga Pamfleti
Një shtetas rus i identifikuar Aleksander Bobovnikov 57-vjeç është vënë në prangat e policisë shqiptare në Rinas.
Ai ndodhej në kërkim nga Rusia për veprën penale të mashtrimit. Më herët ai është ndaluar në Firence, por gjykata italiane ka refuzuar ekstradimin për shkak të natyrës politike të çështjes për të cilën kërkohej në vendin e tij.
Bobovnikov thotë se ka ardhur në Shqipëri të hënën me carter së bashku me disa miq të tij gjerman. Mësohet se Bobovnikov me profesion neurokirurg, është shprehur më herët kundër luftës në Ukrainë nga Rusia dhe kundër pushtetit të Kremlinit.
Këtë të enjte në orën 12:00 zhvillohet në Gjykatën e Tiranës seanca për vlerësimin e masës së sigurisë. 57-vjeçari disponon edhe pasaportë izraelite. Vendet e Bashkimit Europian e kanë refuzuar arrestimin e tij, ndërsa aktualisht mbetet të shikohet cili do të jetë qëndrimi i gjykatës shqiptare.
Lini një Përgjigje