FLASH
Shkruar nga Pamfleti
Një tjetër fole prostitucioni e kamufluar pas qendrave të masazhit është zbuluar në kryeqytet. Policia e Tiranës ka marrë nën hetim pronarin dhe një nga vajzat e këtij subjekti, teksa shpalli në kërkim një tjetër punonjëse.
Emisioni “Tak-Fak” i “News 24” zbuloi një rast prostitucioni, në qendrat e masazheve ku ofrojnë edhe shërbime seksuale kundrejt pagesës.
35-vjeçari me inicialet G.SH dhe punonjësja 37-vjeçarja me inicialet E.C po hetohen në gjendje të lirë, ndërsa 28-vjeçarja M.K është shpallur në kërkim (punonjëse). 2 vajzat ushtronin prostitucion në një qendër masazhi në Tiranë.
“Specialistët për Hetimin e Trafiqeve të Paligjshme njoftuan sot (27 maj) se "referuan materialet në Prokurori pas hetimeve dhe konsultimit me organin e akuzës, me hetim në gjendje të lirë ndaj G. Sh., 35 vjeç dhe E. C., 37 vjeçe. Kurse në kërkim u shpall M. K., 28 vjeçe".
Hetimet nisën bazuar nga pamjet e transmetuara në një emision në lidhje me qendrën e masazhit në pronësi të 35-vjeçarit G.Sh., ku pretendohej se ushtronin prostitucion 2 vajzat nën hetim.
Policia e kryeqytetit bëri me dije se “po punohet për kapjen e 28-vjeçares, si dhe për dokumentimin e plotë të rrethanave të rastit”, njoftoi policia.
Lini një Përgjigje