FLASH
Shkruar nga Pamfleti
Të shtëna me armë zjarri janë regjistruar pasditen e sotme në hyrje të qytetit të Shkodrës, në lagjen “10 Korriku”. Sipas informacioneve, mësohet se është qëlluar me armë drejt një makine tip 'Citroen' e cila është në pronë të Selami Brahimi.
Motivi i kësaj ngjarje është ende i paqartë, ndërkohë që shoferi Selami Brahimi ka ngelur i plagosur, jashtë rrezikut për jetën.
Ndërkohë që Policia dhe grupi hetimor ka vajtur në vendngjarje dhe po punon për zbardhjen e plotë të rastit dhe kapjen e autorit, i cili aktualish mbetet ende i pa identifikuar.
Njoftimi i policisë:
Rreth orës 17:55, në lagjen “ 10 Korriku", Shkodër, është qëlluar me armë zjarri makina e shtetasit S. B.,(e cila ka qënë e ndaluar). Si pasojë është plagosur jashtë rrezikut për jetën pronari i mjetit shtetasi S. B.
Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes.
Po kqyren kamerat e po vijon kontrolli i zonës nga shërbimet e Policisë për të bërë të mundur identifikimin dhe kapjen e autorit/ve.
Lini një Përgjigje