FLASH
Shkruar nga Pamfleti
“Gruaja ime e pranoi se ajo kishte një lidhje me Massimo-n. Ajo më kishte kërkuar falje për këtë marrëdhënie, por unë doja të ndahesha”.
Kështu ka deklaruar 45-vjeçari Taulant Malaj, i cili vrau me thikë vajzën e tij 16-vjeçare, një shtetas italian dhe plagosi gruan e tij. Fati e desh që të shpëtonte djali 5-vjeçar, i cili ishte fshehur pas divanit në momentin që kishte dëgjuar britmat. Pasi nëse do të ishte aty, me shumë mundësi 45-vjeçari do e kishte vrarë. Viktima nga ky krim i rëndë mbetën vajza Xhesika 16-vjeç, Massimo De Santis 51-vjeç dhe u plagos gruaja e tij, Tefta, 39-vjeç.
Pas vrasjes, autori filmoi viktimat e tij, por duket se ka qenë në gjendje të rënduar psikologjike sepse nuk e dinte që kishte vrarë vajzën e tij. Kur u mor në pyetje nga karabinierët pyeste vazhdimisht "Ku është Xhesika?"
Sipas rrëfimit të tij, ditët e fundit kishte pasur një debat në familje, sërish për tradhtinë e pretenduar të gruas, pas së cilës Malaj tha se donte të ndahej. Megjithatë, gruaja e tij e bindi të qëndronte në shtëpi. Duket se Malaj – ende sipas rrëfimit të tij – e kishte parë disa herë gruan e tij me kalimin e kohës në katin e tretë të pallatit ku banonte italiani. Gjithsesi të dielën kishte ndodhur diçka tjetër. Teksa burrë dhe grua ishin në shtrat, 39-vjeçarja dyshohet se filloi të bisedonte me dikë. Burri, kishte parë telefonin e gruas dhe kishte zbuluar se ajo po bisedonte me fqinjin, Massimo. Pas pak ai doli nga shtëpia dhe priti që Massimo të kthehej në shtëpi nga lokali. Sapo burri hyri në derë, ai e goditi me thikë për vdekje. Madje, Malaj i tha prokurorit – raportojnë avokatët – se “fillimisht kishte vrarë Massimon”, më pas ishte ngjitur në shtëpi ku filloi të godiste me thikë gruan dhe më pas vajzën e tij, e cila po përpiqej të mbronte nënën e saj. “Në atë moment, i verbuar nga inati, ai nuk e kuptoi se ishte përballë vajzës së tij dhe filloi ta godiste”. Dy avokatët flasin për “një lidhje të fortë mes autorit të rrëfyer dhe fëmijëve të tij”, 16-vjeçarit dhe një djali 5-vjeçar.
“Nuk kishte asgjë fare, im vëlla nuk pati mundësi as të takonte zonjën, as në lokalin ku ajo erdhi me shoqet për të ngrënë mëngjes pasi i çoi fëmijët në shkollë. Në atë orë Massimo ishte ende në gjumë sepse ai, i cili bënte gjithçka në lokal, nga pastiçeri e deri te sportisti, mbylli vendin natën vonë”, thotë Gianluca De Santis, vëllai i 51-vjeçarit të vrarë, duke përjashtuar çdo lloj marrëdhënieje mes vëllait dhe Teftës 39-vjeçare: “Massimo jetoi në atë godinë për 43 vjet me nënën tonë tani 80 vjeç. Marrëdhëniet me atë familje-nënvizon ai- ishin të shkëlqyera, marrëdhënie normale, përshëndeteshin dhe respektonin njëri-tjetrin”. Edhe me Taulantin nuk kishte grindje. Vëllai im ishte një person i rezervuar dhe i disponueshëm. Edhe nëse nuk njihte njeri, ishte gati ta ndihmonte. Punonte gjithmonë: në mëngjes ishte pastiçer, në mbrëmje mbyllte lokalin në një ose dy të mëngjesit, madje edhe më vonë në verë. Nuk pati kohë t'i bënte këto gjëra këtu”, tha ai. Më tej ka rrëfyer se i vëllai është vrarë me 21 goditje thike, një në fyt dhe 20 në bark.
De Santis, sipas asaj që u rindërtua nga karabinierët, u vra me rreth njëzet goditje të bëra nga shqiptari me thikë. Ai u qëllua në gjoks, bark dhe kokë: nuk kishte shpëtim për të. Gessica vdiq rrugës për në spital, ndërsa nëna e saj është shtruar në spital në Foggia. Gjendja e saj nuk është e rëndë. Ka qenë gruaja që ka dhënë alarmin duke telefonuar 118, e cila nga ana e saj thirri 112. Me të mbërritur në vend karabinierët ndaluan shqiptarin ende të gjakosur. Në hyrje të pallatit ndodhej trupi i pajetë i tregtarit, ndërsa brenda në shtëpi gruaja, e cila kishte telefonuar në 118, me plagë me thikë, pranë trupit të vajzës së saj, në gjendje të pavetëdijshme. Shqiptari ka xhiruar me celularin e tij një video menjëherë pas atentatit, duke filmuar fillimisht trupin e pajetë të burrit dhe më pas ka filmuar vajzën e tij që po vdiste dhe gruan e tij në gjendje gjysmë të ndërgjegjshme. Videoja i është dërguar nga burri një bashkatdhetari me banim në veri të Italisë, i cili lajmëroi menjëherë karabinierët vendas dhe me shumë mundësi ua dërgoi imazhet edhe personave të tjerë./Corriere Della Sera
Lini një Përgjigje