
Një 70-vjeçar, i identifikuar si Ali Korreshi, u gjet i pajetë në apartamentin e tij në në lagjen Loni Dhamo të qytetit të Lushnjes.
Nga raportimet mësohet se viktima jetonte i vetëm, ndërsa bashkëshortja dhe vajza e tij ndodhen jashtë shtetit.
Alarmi u dha nga banorët e pallatit, të cilët njoftuan Policinë pasi nga banesa e të moshuarit kishte filluar të ndihej një erë e rëndë.
Ata kishin gjithashtu disa ditë që nuk e kishin parë të dilte jashtë dhe dyshuan për më të keqen.
Shërbimet e Policisë mbërritën menjëherë në vendngjarje dhe po presin ekspertizën mjeko-ligjore për të përcaktuar shkaqet e sakta të vdekjes.
Lini një Përgjigje