FLASH
Shkruar nga Pamfleti
Një 34-vjeçar nga Lazarati është arrestuar mbrëmjen e djeshme pasi duke drejtuar mjetin në gjendje të dehur në aksin “Gjirokastër-Kakavijë”, është përplasur me automjetin e një efektivi policie.
Fatmirësisht si rezultat i aksidentit nuk ka pasur të lënduar por vetëm dëme materiale.
“Sektori i Policisë Rrugore arrestoi në flagrancë shtetasin R. M., 34 vjeç, banues në Lazarat, pasi mbrëmjen e djeshme, në aksin rrugor “Gjirokastër-Kakavijë”, automjeti që drejtonte në gjendje të dehur është përplasur me automjetin që drejtonte shtetasi M. K., (punonjës policie, jashtë shërbimit), 64 vjeç, banues në Gjirokastër.
Si pasojë e aksidentit ka pasur vetëm dëme materiale. Me shtetasi M. K., janë kryer veprime administrative nga Policia Rrugore.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, njofton policia.
Lini një Përgjigje