FLASH
Shkruar nga Pamfleti
Mediat britanike kanë shkruar për shqiptarët të cilët shkojnë ilegalisht në Mbretërinë e Bashkuar dhe punojnë në ferma kanabisi.
Një hidraulik dhe një punëtor ndërtimi shqiptar erdhën ilegalisht në MB dhe u kujdesën për një fermë të madhe droge në Kettering, për të shlyer borxhet e trafikantëve.
Fabrizio Zika dhe Elmaz Idriz u kapën kur policia bastisi një shtëpi në Headlands dhe gjeti kanabis me vlerë potencialisht deri në 415,000 £.
Shtetasit shqiptarë kishin para borxh ndaj bandave që i kishin futur kontrabandë në Britaninë e Madhe dhe u thanë se do të shlyenin borxhet e tyre, duke u kujdesur për fermat me lëndë narkotike.
Të premten, dyshja u burgosën secili me dy vjet e katër muaj, pasi Gjykata e Kurorës së Northampton dëgjoi rrëfimin e trishtë sesi ata u përfshinë në botën kriminale.
Zika, 27 vjeç dhe Idrizi, 38 vjeç, u gjetën në tavanin në pjesën e pasme të shtëpisë gjysmë të shkëputur, kur policia e bastisi pak para orës 9 të mëngjesit të 23 majit.
Një kontroll në tetë dhoma në vilën trekatëshe ku jetonin dyshja, bëri të mundur gjetjen e 488 bimëve të kanabisit, gjithashtu edhe: kabllo elektrike, ndriçim, llamba ngrohjeje, çarçafë dhe sistem ajrimi në një mjedis të sofistikuar.
Lini një Përgjigje