FLASH
Shkruar nga Pamfleti
Një 17-vjeçar shqiptar është rrëmbyer dhe është dhunuar në Spartë të Greqisë.
17-vjeçari është rrëmbyer nga të afërmit e të dashurës së tij dhe më pas është rrahur për rreth tre orë.
Sipas mediave greke, babai i të miturit ka deklaruar se djali i tij ka pasur një flirt me një shoqe klase, por prindërit e saj kanë qenë kundër kësaj marrëdhënieje, kjo për shkak të origjinës së tij shqiptare.
Sipas asaj që ka thënë babai i 17-vjeçarit, i mituri ka marrë një telefonatë nga vëllai i vajzës dhe ka shkuar për ta takuar atë.
Aty ai është sulmuar ashpër nga dy persona, të cilët më pas e kanë kapur dhe e kanë futur në bagazhin e një makine, dhe më pas e kanë rrahur, shkruajnë mediat greke.
Adoleshenti është dërguar në spital, ku është shtruar prej disa ditësh, ndërsa ndodhet në gjendje të rënduar psikologjike.
Gjithashtu si pasojë e plagëve të marra nga goditjet, ai ka humbur dëgjimin në veshin e majtë.
Sipas mediave greke, babai i vajzës, i cili disa vite më parë kishte vrarë nënën e tij në Dyros, tani është arrestuar së bashku me djalin e tij dhe një person tjetër për rrëmbimin dhe rrahjen e 17-vjeçarit.
Lini një Përgjigje