FLASH
Shkruar nga Pamfleti
Një 21-vjeçar është arrestuar nga policia e Lezhë pasi aksidentoi për vdekje një këmbësor mbrëmjen e djeshme në autostradën “Laç-Mamurras”.
Mësohet se në pranga është vënë Egli Babasi, ndërsa viktima nuk është identifikuar ende.
"Mbrëmjen e djeshme, rreth orës 23:10, në autostradën “Laç-Mamurras”, automjeti me drejtues shtetasin Egli Babasi ka përplasur një shtetas (këmbësor) ende të paidentifikuar.
Si pasojë e përplasjes, këmbësori rreth 60 vjeç, ka ndërruar jetë.
Në përfundim të veprimeve të kryera nga Specialistët e Qarkullimit Rrugor, u bë arrestimi në flagrancë i shtetasit E. B., 21 vjeç, banues në Fushë-Kuqe, për veprën penale “Shkelja e rregullave të qarkullimit rrugor”.
Vijon puna për identifikimin e shtetasit që humbi jetën si pasojë e përplasjes nga automjeti që drejtohej nga shtetasi E.B", njoftoi policia.
Lini një Përgjigje