FLASH
Shkruar nga Pamfleti
Një 24-vjeçar shqiptar ka humbur jetën në një aksident rrugor në Angli.
Ngjarja e rëndë ka ndodhur me 21 maj, por vetëm sot mediat britanike kanë zbardhur identitetin e viktimës, dhe bëhet fjalë për 24-vjeçarin Robert Morina.
I riu udhëtonte i vetëm në mjetin tip ‘Audi A3’, kur i përplas dhe u përmbys në Gravel Hill, midis Henley dhe Rotherfield Grays.
Morina, i cili ishte hidraulik praktikant, humbi jetën pas lëndimeve të rënda në kokë.
Lidhur me aksidentin, policia arrestoi 5 persona. Dy djem 17-vjeçarë nga Reading u arrestuan me dyshimin se shkaktuan vdekjen për shkak të manovrave të rrezikshme në rrugë, por më vonë u liruan pa asnjë veprim tjetër.
Tre persona nga Reading, të moshës 21, 22 dhe 25 vjeç, u arrestuan me dyshimin se shkaktuan vdekjen nga drejtimi i rrezikshëm dhe për vepra të ndryshme droge, duke përfshirë qëllimin për të furnizuar me drogë të klasit A. Por edhe ata u liruan, megjithëse mbahen nën hetim.
Lini një Përgjigje