FLASH
Shkruar nga Pamfleti
Një aksident i rëndë ka ndodhur pasditen e sotme në fshatin Sovjan, në aksin rrugor Korçë–Pogradec, në territorin e bashkisë Maliq. Një 65-vjeçar, që lëvizte me biçikletë, është përplasur nga një automjet tip “Volkswagen”, duke pësuar dëmtime të rënda trupore.
Sipas njoftimit zyrtar të Policisë së Shtetit, ngjarja ndodhi rreth orës 17:20 të datës 23 dhjetor 2025, dhe drejtuesi i mjetit është identifikuar si shtetasi B. M.. Viktima, I. S., rreth 65 vjeç, është dërguar me urgjencë në spitalin e Korçës, ku aktualisht ndodhet në gjendje të rëndë shëndetësore.
Ndërkohë, drejtuesi i automjetit është shoqëruar për procedurat e mëtejshme ligjore, ndërsa grupi hetimor ndodhet në vendngjarje për të zbardhur rrethanat dhe shkaqet e aksidentit.
Lini një Përgjigje