FLASH
Shkruar nga Pamfleti
Një aksident i rëndë është regjistruar në aksin e rrugës rurale Mirakë -Polis Vilan në Librazhd, ku një automjet ka dalë nga rruga dhe ka përfunduar në humnerë.
Sipas informacioneve paraprake dyshohet se në automjetin e përfshirë në aksident po udhëtonin të paktën katër persona.
Ndërkohë drejt vendit të ngjarjes janë nisur shërbimet e policisë rrugore, dy autoambulanca me staf mjekësor dhe një grup shërbimi i mbrojtjes nga zjarri dhe shpëtimit.
Ndërkohë një burim i besueshëm nga vendngjarja konfirmoi se fatmirësisht gjendja e personave të aksidentuar konstatohet se është jashtë rrezikut për jetën.
Mësohet gjithashtu se banorë të lagjes ku ka ndodh aksidenti i kanë nxjerrë nga makina të aksidentuarit të cilët fatmirësisht thuhet se janë jashtë rrezikut për jetën dhe do pritet të transportohen për mjekim në spital.
Dyshohet se gjatë ecjes, automjeti i aksidentit është përplasur me një furgon dhe ka dalë jashtë rruge duke përfunduar në humnerë.
Lini një Përgjigje