FLASH
Shkruar nga Pamfleti
Dy persona janë arrestuar ditën e sotme në Durrës pasi kërcënuan dhe i vodhën xhiron ditore një taksisti.
Mësohet se 29-vjeçarja Viola Bodlli dhe Agron Braha 26 vjeç, rreth orës 01:00 pas mesnate, hipën në një taksi në rrethrrotullimin “ILIRIA” në zonën e plazhit dhe kërcënuan me thikë taksistin.
Sipas policisë, 29-vjeçarja i vodhi shumën e parave ndërsa më pas dy autorët u larguan nga automjeti.
“Hipën në një taksi dhe më pas e kërcënuan me thikë drejtuesin e taksisë dhe i morën një shumë parash, falë reagimit të shpejtë të Policisë, identifikohen dhe vihen në pranga autorët e dyshuar.
Policia vuri në pranga një 26-vjeçar dhe një 29-vjeçare, të cilët kërcënuan taksistin me një thikë dhe i morën një shumë parash.
Shërbimet e Policisë, me marrjen e njoftimit se dy shtetas kishin kërcënuar me thikë një drejtues taksie dhe i kishin marrë një shumë parash, menjëherë organizuan punën dhe falë ndërhyrjes së shpejtë dhe profesionale, bënë të mundur identifikimin, kapjen dhe arrestimin e autorëve, konkretisht shtetasit:
Vihen në pranga shetasit Viola Bodlli 29 vjeç dhe Agron Braha 26 vjeç.
Nga hetimet rezultoi se rreth orës 01:00, në lagjen Nr.13, në vendin e quajtur rrethrrotullimi “ILIRIA” në plazh, këta shtetas hipën në automjetin taksi me drejtues shtetasin I. K.
Në momentin që hipën në makinë, shtetasi A.B. dyshohet se kërcënoi taksistin me një thikë, ndërsa shtetasja V.B. i mori një shumë parash që taksisti kishte në makinë (xhiron ditore) dhe u larguan nga automjeti”, njoftoi policia.
Lini një Përgjigje