FLASH
Shkruar nga Pamfleti
Një rrjet kriminal me bazë në Lombardi, i cili ishte i lidhur me furnizues shqiptarë të kokainës nga Amerika Latine, është goditur ditën e sotme.
Kokaina me vlerë mbi 27 milionë euro vinte nëpërmjet anijeve kontejnerë në Lombardi.
Guardia di Finanza ka lëshuar urdhër-arrest kundër 28 të dyshuarve, 25 prej tyre me burg dhe tre në arrest shtëpiak.
Ata i përkisnin një organizate të armatosur kriminale të përbërë nga pjesëtarë të “Ndranghetës së Lokridës”, klanit Barbaro, të cilët bashkëpunonin me qarqet kriminale shqiptare.
Kërkimet janë duke u zhvilluar në provincat e Milanos, Pavia, Bergamo, Como, Parma, Imperia, Romë, Taranto dhe Reggio Calabria, me ndihmën e qenve të parave dhe njësive antidrogë të Guardia di Finanza”.
Hetimi i DDA-së, i kryer nga GICO (Njësia e Operacioneve Speciale) e Guardia di Finanza ka zbuluar një trekëndësh marrëveshjesh midis anëtarëve të grupeve të krimit të organizuar në Kalabri, Lombardi dhe Kampania, që synonin lehtësimin e importimit të sasive të mëdha të narkotikëve nga Amerika e Jugut.
Rrjeti kriminal duke përdorur pajisje të sofistikuara të mesazheve të koduara, shfrytëzoi “kontaktet e drejtpërdrejta me ndërmjetësit dhe furnizuesit shqiptarë të kokainës nga Amerika e Jugut”.
Droga mbërriti me anije në portet e Livornos, Roterdamit, Gioia Tauro dhe Le Havre duke përdorur të ashtuquajturën teknikë “grabitjeje”, ku droga fshihet brenda kontejnerëve të përdorur për transport të ligjshëm tregtar nga deti.
Lini një Përgjigje