FLASH
Shkruar nga PamfletiFillimisht u raportua se 52-vjeçarja ndërroi jetë nga asfiksia, por më tej hetuesit u orientuan drejt një ngjarje kriminale.Në trupin e gruas, Kozeta Teços, u gjetën shenja dhune dhe dyshimet janë që ajo të jetë vrarë dhe më pas autori/ët t’i kenë vënë zjarrin banesës për ta kamufluar ngjarjen si aksidentale, por edhe për të fshehur gjurmët e tyre.
Një ngjarje e rëndë ka ndodhur këtë të hënë në Pogradec, ku një 52-vjeçare dyshohet se është vrarë në apartamentin e saj, ku më pas banesës i është vënë zjarri për të fshirë gjurmët e krimit.
Policia ka shoqëruar një djalë të ri si të dyshuar për vrasjen e 52-vjeçares.
37-vjeçari Ilirjan Selmani është dërguar në vendngjarje për ndërtimin e skemës së krimit.
Mes tyre dyshohet se kishte një lidhje intime.
Ndërkohë në kazanin e plehrave është gjetur edhe arma e krimit, një thikë me të cilën dyshohet se autori i ka prerë fytin 52-vjeçares.
Fillimisht, policia njoftoi se 52-vjeçarja Kozeta Teço u gjet e pajetë në apartamentin e saj në Pogradec, ku brenda banesës u konstatuan zjarr dhe tym, dhe dyshohej se ajo kishte humbur jetën nga asfiksia e shkaktuar nga tymi.
Në trupin e 52-vjeçares janë konstatuar shenja dhune, një çarje në grykë dhe një plagë në krah.
Policia është rikthyer në vendin e ngjarjes dhe po punon për të mbledhur prova të tjera lidhur me dyshimet për vrasjen e 52-vjeçares, e cila jetonte e vetme në banesën e saj.
Kujtojmë se banorët e zonës, pasi vunë re flakët në apartamentin e saj, njoftuan menjëherë zjarrfikëset dhe policinë, të cilët mbërritën në vendin e ngjarjes dhe gjetën të pajetë 52-vjeçaren.
Lini një Përgjigje