FLASH
Shkruar nga Pamfleti
Një atentat me armë zjarri ka ndodhur në Francë, ku një 40-vjeçar shqiptar është ekzekutuar me breshëri plumbash.
Mediat franceze shkruajnë se shqiptari i identifikuar si Elis Alijaj, është ekzekutuar teksa ndodhej në furgonin e tij në një lagje të Ma Campagne në Francë.
Në këtë moment një person i armatosur hapi zjarr pa i lënë asnjë mundësi shpëtimi.
Sipas informacioneve nga mediat franceze, Alijaj ishte inxhinier hidraulik dhe ishte rrugës për në punë kur ndodhi krimi. Dëshmitarët raportojnë se menjëherë pas krimit, një automjet u largua me shpejtësi nga vendngjarja.
Më vonë, ky automjet u gjet i djegur në një pyll në Jauldes, brenda të cilit autoritetet zbuluan një pistoletë.
"Ai ishte personi më i këndshëm në botë, i sjellshëm, i dobishëm", tha një fqinj.
“Njerëz pa probleme, të integruar mirë që jetonin në paqe me fëmijët e tyre. Është një tronditje totale”, tha një tjetër fqinj.
Nga hetimet paraprake, rezulton se Alijaj u qëllua me disa plumba përmes xhamit të shoferit, duke marrë tre goditje fatale, një në këmbë dhe dy në zonën e kraharorit.
Viktima humbi jetën në vend, ndërsa policia franceze ka nisur hetimet për zbardhjen e plotë të rrethanave të kësaj vrasjeje të tipit mafioz.
Lini një Përgjigje