FLASH
Shkruar nga Ferruccio De Bortoli
Gazetaria investigative është një profesion i rrezikshëm edhe kur konsiderohet më pak i dobishme për shoqërinë...
Solidariteti me gazetarin Sigfrido Ranucci-n është unanim dhe i padiskutueshëm. Sulmi ndaj autorit të emisonit “Report” mund të kishte pasur pasoja shumë më serioze. Këtë herë, shkoi mirë, por shpesh shkon keq, shumë keq. Kur kjo ndodh, e harrojmë shpejt.
Gazetaria investigative është një profesion i rrezikshëm edhe kur konsiderohet më pak i dobishme për shoqërinë. Sidomos kur dyshohet se pas saj ka një sërë motivesh të fshehta dhe akuzohet për manipulime të ndryshme politike, ajo bëhet edhe më e rrezikshme. Dhe ata gazetarë që thjesht po bëjnë punën e tyre, si Ranucci, për të cilët është madje e vështirë të garantohet mbulim ligjor, në fund të fundit e gjejnë veten vetëm.
Episodi serioz na lejon të sqarojmë disa gjëra që shpesh janë të paqarta. Nëse demokracitë tona të brishta kanë një të ardhme, kjo është vetëm falë opinionit publik të informuar siç duhet, të pajisur me një frymë kritike dhe të udhëhequr vazhdimisht nga një ndjenjë e shëndetshme dyshimi për atë që po ndodh përreth tyre.
Kjo do të ndodhë falë raportimit të guximshëm të luftës në të cilin korrespondentët nuk do të veshin uniforma. Do të ndodhë përmes raportimit nga teatro të ndryshme dhune dhe konflikti, me përulësinë për të kuptuar shkaqet dhe arsyet. Pa paragjykime. Do të ndodhë përmes hetimeve në cepat e errët të shoqërisë, sepse vetëm transparenca është sinonim i ligjshmërisë dhe drejtësisë. Pa marrë parasysh pushtetin në format e tij të ndryshme. Do të ndodhë duke u dhënë zë atyre që nuk kanë dhe duke u bërë pyetje të pakëndshme atyre që kanë shumë zë dhe pak dëshirë për t'u përgjigjur.
A bëjnë gabime gazetarët?
Po, si të gjithë të tjerët. Por rrallë në profesione të tjera një gabim bëhet papritur provë e paragjykimit të fajshëm. Sot është dita kur të gjithë lavdërojnë gazetarinë investigative, e cila nga vetë natyra e saj është e pakëndshme dhe madje irrituese. Nesër është një ditë tjetër, dhe mbetet për tu parë./Përshtati "Pamfleti" nga "Corriere Della Sera"
Keta gazetaret e sotem u duket vehtja si heronjte e globit. Harrojne qe popujt i mbajne per lapanjoze qe shiten nga tu vije paraja.