FLASH
Shkruar nga Pamfleti
Publikohen pamjet nga momenti i plagosjes me thikë që ndodhi mesditën e sotme në ambientet e brendshme të poliklinikës së Shkodrës.
Sipas informacioneve paraprake, 18-vjeçari Arvin Fregjaj dyshohet se plagosi me thikë Vildan Kepëcën, 32 vjeç, pas një konflikti, motivet e të cilit ende nuk janë bërë të ditura.
Foto e siguruar nga "Report TV" tregon momentin e incidentit, ku i riu shihet duke mbajtur në dorë mjetin prerës, thikë.
I plagosuri u transportua menjëherë në spital, ku mori ndihmën mjekësore. Ndërkohë, Policia vijon hetimet për të zbardhur plotësisht shkaqet dhe rrethanat e konfliktit.
Kujtojmë se, sot në ambientet e brendshme të poliklinikës së Shkodrës, 18-vjeçari Arvin Fregjaj dyshohet se plagosi me thikë 32-vjeçarin Vildan Kepëca. I plagosuri u dërgua me urgjencë në spital, ndërsa motivet e konfliktit nuk janë bërë ende të ditura.
Pas plagosjes, ngjarja rrezikoi të përshkallëzohej. Sipas Policisë, Arben Kepëca, 41 vjeç, vëllai i të plagosurit, pasi mësoi për incidentin, mori një pistoletë me fishek në fole dhe u nis me qëllim për të gjetur autorin e dyshuar.
Ndërhyrja në kohë e uniformave blu bëri të mundur parandalimin e një ngjarjeje edhe më të rëndë. 41-vjeçari u arrestua në flagrancë, ndërsa arma e zjarrit që kishte me vete u sekuestrua.
Pak orë më vonë, Policia e Shkodrës vuri në pranga edhe autorin e dyshuar të plagosjes, Arvin Fregjaj. Së bashku me të u arrestua edhe babai i tij, Agron Mehmeti, 41 vjeç, i cili dyshohet se e ka ndihmuar dhe është përfshirë në ngjarje si bashkëpunëtor në krim.
Lini një Përgjigje