FLASH
Shkruar nga Dritan Goxhaj
Ajo që më çudit më shumë është se askush nga opozita, ose çdo kush tjetër, i angazhuar politikisht, jo në stanin e këtij të marri, nuk reagon për një deklaratë të tillë.
Nocioni i një raporti midis pushtetit dhe çmendurisë nuk është diçka e re në historinë njerëzore. Historia është e mbushur plot me legjenda dhe ndodhi ku sundimtarë e pushtetarë janë çmendur si rezultat i tejkalimit të vetvetes. Dhe kjo dalje nga vetvetja te sundimtarët dhe pushtetarët shfaqet në formën e një megalomanie.
Por Shoqata Amerikane e Psikiatrisë e ka klasifikuar konceptin e megalomanisë (mendjemadhësisë) si “çrregullim narcizëm të personalitetit”.
Deri para disa kohësh koncepti i megalomanisë shihej vetëm si arrogancë, por në 20 vitet e fundit egoizmi u pa si narcizmi u përkufizua edhe në aspektin psikologjik. Dhe gjithashtu është konsideruar edhe si një problem social dhe kulturor.
Psiko- analiza e sotme e ka identifikuar narcizmin në ato që quhen ”7 mëkatet e mëdha”
1. Paturpësia
2. Mendjemadhësi në të menduar
3. Arrogancë në të vepruar
4. Përbuzje ndaj të tjerëve
5. E drejtë e veçantë mbi të tjerët
6. Shfrytëzim
7. Mos-kufizim për veprime egoiste
Të shtata këto mëkate identifikuese që përcaktojnë një të sëmurë psikik që vuan nga narcizmi gjenden në një person të vetëm. Atë e përcakton lehtë vetëm duke lexuar një deklaratë të këtij individi të bërë para 3 ditësh.
Dhe ky individ fatkeqësisht ka qëlluar që të jetë edhe kryeministër dhe akoma më keq ka qëlluar kryeministër i Shqipërisë.
Para tre ditësh ai deklaroi ”Ato bashki që do i fitojë opozita nuk do i financojmë”.
Vetëm në këtë fjali mund të shohësh të 7 mëkatet e përcaktuara nga psikologjia e sotme.
Në këtë deklarim duket qartë mëkati i parë paturpësia, e cila qëndron në mos përfilljen e kushtetutës ku kryeministri është kreu i qeverisë për të gjithë shtetasit pavarësisht bindjes së tyre politike.
Një vetë- deklarim i tillë tregon mëkatin e dytë, mendjemadhësi në të menduar.
Deklarimi tregon qartësisht mëkatin e tretë, një arrogancë në të vepruar sepse dhënia e financës është veprim ashtu si edhe mos- dhënia.
Kjo deklaratë tregon mëkatin e katërt përbuzjen ndaj të tjerëve të cilët nuk i përkasin bindjes së tij politike.
Me deklarimin se nuk do t’i financojë tregon mëkatin e peste, të drejtën e veçantë mbi të tjerët.
Kjo deklaratë përmban në vetvete edhe mëkatin e gjashtë, shfrytëzimin, shfrytëzon detyrën dhe postin për egon e tij.
Gjithashtu në këtë deklaratë shihet qartë edhe mëkati i shtatë, mos-kufizimi për veprime të tilla egoiste.
Dhe e gjithë kjo jo vetëm tregon që kryeministri është një njeri i sëmurë psikik me një patologji të rëndë, por mbi të gjitha tregon se ky urren këdo që nuk i përket bindjes së tij politike. D.m.th i ndan shqiptarët sipas oreksit të tij të sëmurë.
Një deklaratë e tillë është thjesht një nxitje për një përplasje civile mbi baza politike.
Një deklaratë e tillë është gjithësisht një shkelje e kushtetutës të cilën vërtet duhet të jesh i sëmurë për ta përdhosur në këtë mënyrë dhe për të ofenduar çdo shtetas shqiptar që nuk i përket stanit të tij.
Dhe kjo nxitje drejt një përplasjeje civile nesër nëse me të vërtetë kjo deklaratë e çmendur do të gjente zbatim sjell ndarje të Shqipërisë.
Po kujt i shërben përplasja civile tashti në Shqipëri.
Normalisht Serbisë dhe më shumë Greqisë.
Serbisë për të arritur qëllimet e saja kundrejt Kosovës në një rrëmujë të tillë.
Ndërsa Greqisë për të arritur ambiciet e saj territoriale ndaj Shqipërisë, duke filluar me detin, në një katrahurë të tillë civile.
Pra qartësisht ky kryeministër, në dhe me çmendurinë e tij është vënë në shërbim të interesave antishqiptare.
Thënë shkurt në rast se e implementon këtë deklaratë në realitet, atëherë ai është vetëm një hasëm i Shqipërisë.
Dhe për hasmin poeti Ali Podrimja shkruan:
Tokë më nda nuk kam
Hasmi në p*dh t’samës
Me vdekë duhet mësue
Qençe nuk jetohet më...
P.s: Ajo që më çudit më shumë është se askush nga opozita, ose çdo kush tjetër, i angazhuar politikisht, jo në stanin e këtij të marri, nuk reagon për një deklaratë të tillë.
Po më mbushet mendja se narcizmi duhet të jetë edhe sëmundje ngjitëse./Pamfleti
Lini një Përgjigje