FLASH
Shkruar nga Pamfleti
Vlen të theksohet se në një draft propozim që doli në media pak javë më parë, tregonte një kolonizim ekonomik. Ose, me terma më pak teknike, një shitje totale.
Një marrëveshje për mineralet midis Ukrainës dhe Shteteve të Bashkuara mund të nënshkruhet më në fund këtë të mërkurë, pas javësh negociatash intensive që herë pas here u bënë të ashpra dhe penguan përkohësisht ndihmën e Uashingtonit për Ukrainën.
Një burim i njohur me çështjen i tha CNN se Ukraina pret të nënshkruajë marrëveshjen për burimet natyrore të mërkurën.
Kryeministri ukrainas, Denys Shmyhal i tha televizionit ukrainas se ministrja e ekonomisë së vendit, Yulia Svyrydenko, ishte duke shkuar në Uashington.
“Po finalizojmë detajet e fundit me kolegët tanë amerikanë. Sapo të jenë finalizuar të gjitha detajet përfundimtare, shpresoj që marrëveshja të nënshkruhet në të ardhmen e afërt, brenda 24 orëve të ardhshme”, tha Shmyhal për Telemaratonën ukrainase.
Shmyhal e përshkroi marrëveshjen si një marrëveshje strategjike për krijimin e një fondi partneriteti investimi.
Lajmi për nënshkrimin e marrëveshjes që të mërkurën u raportua për herë të parë nga Bloomberg dhe Financial Times.
SHBA-të dhe Ukraina janë përpjekur të arrijnë një marrëveshje për burimet natyrore që do t'i jepte Uashingtonit akses në pasuritë minerale të pashfrytëzuara të Kievit në këmbim të investimeve, që kur Presidenti i SHBA-së Donald Trump u rikthye në Shtëpinë e Bardhë në janar.
CNN ka kontaktuar Thesarin e SHBA-së dhe Shtëpinë e Bardhë për koment. Trump e ka cilësuar kryesisht marrëveshjen si “shpagim” të Ukrainës për ndihmën që SHBA-të i kanë dhënë Ukrainës që kur Rusia nisi pushtimin e saj të paprovokuar në shkallë të plotë të vendit në shkurt 2022.
Detajet e marrëveshjes nuk janë bërë publike. Megjithatë, Shmyhal tha të dielën se marrëveshja nuk do të përfshijë ndihmën e ofruar para nënshkrimit të saj.
“Është vërtet një marrëveshje ndërkombëtare e barabartë dhe e dobishme mbi investimet e përbashkëta në zhvillimin dhe rimëkëmbjen e Ukrainës midis qeverive të SHBA-së dhe Ukrainës”, shtoi ai të mërkurën.
Presidenti i Ukrainës, Volodymyr Zelensky, pritej ta nënshkruante marrëveshjen gjatë udhëtimit të tij në Uashington në shkurt, por marrëveshja mbeti e pafirmosur kur vizita u ndërpre pas takimit të diskutueshëm në Zyrën Ovale.
Vlen të theksohet se në një draft propozim që doli në media pak javë më parë, tregonte një kolonizim ekonomik. Ose, me terma më pak teknike, një shitje totale. Nëse Ukraina do të pranonte kushtet e propozuara dhe marrëveshja do të firmosej, Kievi mund të detyrohej t’i dorëzonte Uashingtonit çelësat e sektorit të tij nxjerrës. Dhe jo vetëm atij.
Sepse në marrëveshjen që Donald Trump i ka propozuar Ukrainës për të vazhduar ta mbështesë ushtarakisht, nuk bëhet fjalë vetëm për mineralet e rralla: “500 miliardë dollarët” që manjati i ka kërkuar Volodymyr Zelenskyt përfshijnë edhe asete të tjera strategjike të rëndësishme, si portet dhe infrastruktura e naftës dhe gazit. Gjithçka e shkruar e bardha mbi të zezë në draftin e marrëveshjes paraprake të publikuar nga The Telegraph./Pamfleti
Lini një Përgjigje