FLASH
Shkruar nga Pamfleti
Presidenti kinez ka paralajmëruar nisjen e një koflikti të ri me Tajvanin...
Fjalimi i fundvitit i presidentit kinez, Xi Jinping, ka alarmuar botën. Ai ju drejtua sot popullit duke deklaruar se Kina do të ribashkohet dhe kthimi i Tajvanit nën kontrollin e "mëmëdheut" është "një domosdoshmëri historike".
Pas tensioneve të disa muajve më parë, situata duket sikur është qetësuar në raportet Kinë-Tajvan, por gjithmonë këto raporte kanë qënë një fuçi baruti. SHBA e ka bërë të qartë se nuk do lejojë cenimin e Tajvanit, por sot presidenti kinez i ka hedhur benzinë zjarrit duke paralajmëruar një koflikt të afërt.
Pas dy javësh, më 13 janar, ishulli do të votojë për të zgjedhur presidentin e ri dhe për të rinovuar Parlamentin e tij. Xi përdori një ton më të ashpër se në fjalimin e tij një vit më parë, kur përcaktoi kinezët dhe tajvanezët si "anëtarë të një familjeje". Disa orë përpara se presidenti të fliste me kombin, një zëdhënës i Byrosë Kineze për Çështjet e Tajvanit e quajti zëvendëspresidentin aktual tajvanez dhe kandidatin e Partisë Demokratike Progresive, "një punëtor kokëfortë për pavarësinë e Tajvanit dhe një shkatërrues të paqes në Ngushtica e Tajvanit."
Xi kujtoi se "disa konflikte vazhdojnë në botë" dhe përsëriti se Kina dëshiron të "punojë me komunitetin ndërkombëtar për të mirën e përbashkët të njerëzimit". Xinhua gjithashtu raportoi se Xi i dërgoi një mesazh në fundvit Vladimir Putin, në të cilin presidenti kinez theksoi se "përballë ndryshimeve dhe situatave të paqëndrueshme ndërkombëtare dhe rajonale, marrëdhëniet me Rusinë, Kina i ka ruajtur gjithmonë".
Lidhur me situatën e brendshme, Xi argumentoi se, pas ndikimit të Covid, ekonomia kineze "vazhdon të përmirësohet" dhe është "më elastike dhe dinamike". Dhe rimëkëmbja, pavarësisht "erërave të kundërta që do të hasim gjatë rrugës", do të vazhdojë në vitin 2024.
Më pas ai iu drejtua të rinjve, duke i siguruar se qeveria do të punojë “për t'u ofruar atyre mundësinë për të pasur sukses në karrierën e tyre”. Për Kinën, papunësia e të rinjve është një problem i madh socio-ekonomik: në qershor, 21.4% e të rinjve të moshës 16 deri në 24 vjeç ishin të papunë. /Pamfleti
Lini një Përgjigje