FLASH
Shkruar nga Pamfleti
22,000 mercenarë të Grupit Wagner janë vrarë në Ukrainë ndërsa 40,000 të tjerë mbetën të plagosur.
Deri më 20 maj, 25,000 rekrutë që punonin për grupin paraushtarak ishin gjallë dhe të shëndetshëm, sipas llogarisë, që ia atribuon citatet një komandanti me shenjën e thirrjes “Marx”.
Sipas ‘Newsweek’ nuk ka qenë në gjendje të verifikojë në mënyrë të pavarur identitetin e tij. Sipas komandantit, nga këta rekrut, 15,000 janë në pushim dhe 10,000 ndodhen tani në Bjellorusi.
Sipas informacionit të postuar nga “Marx” të mërkurën dhe të ripublikuar nga një tjetër kanal shtypi Wagner, gjithsej 78,000 mercenarë të Wagner kanë marrë pjesë në operacionet në Ukrainë.
Siç vë në pah ky medium, humbjet në fushëbetejë në të dyja anët e luftës së vazhdueshme në Ukrainë janë të vështira për t’u llogaritur dhe as Moska dhe as Kievi nuk publikojnë përditësime të rregullta të numrit të viktimave të tyre.
Luftëtarët e Wagner, të përbërë kryesisht nga të dënuar rusë të nxjerrë nga burgjet e vendit, u trajnuan përpara se të mbërrinin në Ukrainë. Por ata drejtuan përpjekjet ruse në qytetin e kontestuar lindor të Ukrainës, Bakhmut, përpara se të tërhiqeshin në fund të majit.
Qyteti i shkatërruar ka qenë një epiqendër e luftimeve të ashpra që nga fundi i verës së vitit 2022. Ndërkohë shefi i Wagner Group, Yevgeny Prigozhin tha se ai humbi 20,000 luftëtarë të Wagner në betejën disamujore për Bakhmut.
Por më 17 shkurt, zëdhënësi i Këshillit të Sigurisë Kombëtare të Shtëpisë së Bardhë, John Kirby u shpreh se SHBA vlerësoi se Wagner kishte pësuar “më shumë se 30,000 viktima, duke përfshirë rreth 9,000 të vrarë në aksion”.
Fati i ardhshëm i Grupit Wagner ishte i pasigurt pas rebelimit të ndërprerë dhe avancimit të tij drejt Moskës në fund të qershorit. Në një marrëveshje të ndërmjetësuar me sa duket nga lideri i fortë i Bjellorusisë, Alexander Lukashenko, Prigozhin ra dakord të zhvendosej në Bjellorusi.
Nga ana tjetër presidenti rus Vladimir Putin tha se ushtarët e Wagner mund të “vazhdojnë t’i shërbejnë Rusisë duke lidhur një kontratë me Ministrinë e Mbrojtjes ose agjencitë e tjera të zbatimit të ligjit, ose të kthehen te familja dhe miqtë tuaj”.
“Kushdo që dëshiron, mund të shkojë në Bjellorusi”, shtoi ai.
Lini një Përgjigje