FLASH
Shkruar nga Pamfleti
Donald Trump ka kritikuar ashpër ish-presidentin Joe Biden, duke e akuzuar se “nuk lejoi Ukrainën të luftonte, por vetëm të mbrohej”. Në një postim në rrjetet sociale, Trump e krahasoi situatën me një skuadër sportive që ka një mbrojtje të fortë, por që “nuk lejohet të sulmojë”.
“Nuk ka asnjë shans për të fituar në këtë mënyrë!”, shkroi Trump, duke sugjeruar se strategjia e administratës Biden ka qenë e destinuar për dështim.
Presidenti republikan theksoi se lufta e sotme “nuk do të kishte ndodhur kurrë po të ishte ai në Shtëpinë e Bardhë, zero shanse”.
Ndërkohë, presidenti ukrainas Volodymyr Zelenskyy, në një deklaratë për gazetarët, pohoi se Trump ka kritikuar edhe Barack Obamën gjatë një bisede në Uashington. Sipas Zelenskyyt, Trump ka argumentuar se “Krimea ishte çelësi i luftës së plotë, nëse Obama nuk do ta kishte lejuar Putinin të pushtonte Krimenë dhe pjesë të Donbasit, atëherë Putini nuk do të kishte nisur pushtimin e përgjithshëm të Ukrainës”.
Lini një Përgjigje