FLASH
Shkruar nga Pamfleti
Presidenti amerikan, Joe Biden ka zhvilluar një bisedë telefonike me kryeministrin izraelit, Benjamin Netanyahu, e para midis dy udhëheqësve që nga 15 shkurti, sipas burimeve diplomatike.
Mësohet se që nga ajo telefonatë e fundit, marrëdhënia mes të dyve është bërë gjithnjë e më e tensionuar dhe se liderët kanë komunikuar me anë të zyrtarëve të tyre dhe jo drejtpërdrejtë.
Biden ka artikuluar publikisht shqetësim në rritje për numrin në rritje të vdekjeve në Gaza dhe gjatë fundjavës, ai dukej se mbështet komentet e bëra në fund të javës së kaluar nga Chuck Schumer, udhëheqësi i shumicës në Senat për zgjedhje të parakohshëm.
Schumer kishte bërë thirrje për zgjedhje të reja në Izrael, duke thënë se Netanyahu kishte "humbur rrugën".
I pyetur për fjalimin, Biden tha: “Ai mbajti një fjalim të mirë dhe mendoj se ai shprehu një shqetësim serioz jo vetëm nga ai, por nga shumë amerikanë”.
Shtëpia e Bardhë dhe zyra e Netanyahut do të publikojnë një përmbledhje të telefonatës pak më vonë.
Përmbledhja e telefonatës së tyre të fundit bëri të qartë se Biden i kishte thënë Netanyahu se asnjë operacion ushtarak në Rafah nuk duhet të zhvillohet pa një plan të besueshëm dhe të zbatueshëm për të garantuar sigurinë dhe mbështetjen për më shumë se një milion njerëz të strehuar atje.
Që nga ajo telefonatë, Netanyahu ka konfirmuar se një operacion ushtarak do të zhvillohet, por se civilët do të zhvendosen përpara se të fillojë.
Nuk është e qartë nëse ndonjë plan ushtarak është parë apo miratuar nga amerikanët. Netanyahu tha se operacioni nuk do të fillojë për disa javë.
Kjo telefonatë do të jetë e 20-ta mes të dyve që nga sulmi i Hamasit më 7 tetor. Ai shënon gjithashtu hendekun më të gjatë midis telefonatave, plot 32 ditë./SkyNews
Lini një Përgjigje