
Për herë të parë, një robot do të drejtojë një orkestër. Roboti “EveR 6” do të drejtojë shfaqjen “Absence” e cila do të mbahet në Korenë e Jugut.
Roboti është i krijuar nga Instituti i Teknologjisë Industriale Koreane (KITECH) dhe do të jetë dirigjent në koncertin që do të mbahet në 30 qershor.
Roboti android me emrin “EveR 6”, i ngjan trupit të njeriut. Madje ai mund të përdorë në mënyrë fleksibël qafën dhe krahun e tij.
Roboti dhe dirigjenti Choi Soo-yeol do të performojnë veçmas në koncert, pas së cilës dy dirigjentët do ta drejtojnë së bashku koncertin.
Choi shprehet se sfida më e madhe për robotët është ndërveprimi dhe komunikimi. Performanca e robotit “EveR 6” në koncert do të jetë e para në Korenë e Jugut. Robotët drejtuan orkestra në Japoni dhe Zvicër.
Lini një Përgjigje